Ահասարսուռ սպանություն Մոսկվայում. լճում գտել են 6-ամյա երեխայի գլուխը, շենքերից մեկի պատշգամբում՝ մարմինը
Ահասարսուռ սպանություն է տեղի ունեցել Մոսկվայում, որի մասին հայտնի է դարձել, երբ լճից դուրս է բերվել մանուշակագույն ուսապարկ, ներսում՝ պոլիէթիլենային տոպրակի մեջ փաթեթավորված երեխայի գլուխ: Մոսկվայի դատախազությունը հաղորդել է, որ նախնական տվյալներով՝ զոհը 7-10 տարեկան տղա է, սակայն ավելի ուշ պարզվել է, որ տղան ընդամենը 6 տարեկան է եղել: Ռուսական տելեգրամյան ալիքները նոր մանրամասներ են հրապարակել սարսափելի սպանությունից:
Սպանված տղայի մայրը, որի գլուխը հայտնաբերվել էր Գոլյանովսկի լճակում, իսկ մարմինը՝ Բալաշիխայի բնակարաններից մեկի պատշգամբում, նույնականացվել է որպես 31-ամյա Ելենա։ Հենց այդ տանն է ապրել երեխան:
Ըստ ալիքի՝ կինը հաշվառված է հոգեբույժի մոտ և բազմիցս ցուցաբերել է անառողջ ագրեսիա։ Հարևանները պատմել են, որ Ելենան օգտագործել է թմրանյութեր, պարբերաբար ծեծել է երեխային և տառապել է լսողական և տեսողական հալյուցինացիաներով։ «Մաշ» ալիքի խոսքով՝ սպանված երեխայի անունը Միրոսլավ էր. նա և նրա մայրը տեղափոխվել էին Մոսկվայի մարզ Պենզայից։
Ըստ «112» ալիքի՝ կինը ներկայումս նույնիսկ չի կարող հարցաքննվել, նա չի կարող ցուցմունք տալ թմրանյութերի խիստ օգտագործման պատճառով: Ալիքը նաև պարզել է, որ կինը Պենզայի մարզում ունի բազմաթիվ պարտքեր և միկրովարկեր: Մոսկվայի մարզում Ելենան կես դրույքով աշխատել է որպես վաճառող և առաքիչ: Երեխայի անհետացման մասին հայտնել է երեխայի տատիկը:
Լրատվամիջոցների նախնական տեղեկատվության համաձայն՝ խորթ հայրն է սպանել երեխային, իսկ մայրը փորձել է թաքցնել հանցագործությունը՝ որդու դին մասնատելով ու գլուխը տանելով, նետելով լճակը:
Լրատվամիջոցներում սկզբնապես նշվում էր, որ մոտ 180 սանտիմետր հասակով և միջին կազմվածքով տղամարդ է գլուխը բերել լճակ, նրան տեսնողներ են եղել: Խորթ հայրը նույնպես, ենթադրաբար, սպանության պահին գտնվել է թմրանյութերի ազդեցության տակ: Ականատեսների նկարագրած տղամարդն ու երեխայի խորթ հայրը նույն մարդն են, թե ոչ՝ դեռևս պարզ չէ: Մարմնի մնացորդների հայտնաբերման մասին հայտարարվել է նոյեմբերի 16-ի առավոտյան:
Դատախազությունը սկզբում հայտնել է, որ երեխայի մնացորդները հայտնաբերվել են Գոլյանովսկի լճակում գտնվող պայուսակի մեջ: Ավելի ուշ Ռուսաստանի Դաշնության քննչական կոմիտեի Մոսկվայի գրասենյակը հաստատել է, որ հայտնաբերված մարմնի բեկորները պատկանում են 7-10 տարեկան տղայի:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...