ԵՄ-ը հեռացրել է Վրաստանին անվտանգության եւ հանցավորության վերաբերյալ նախագծերից. «Ռուսթավի 2»

Եվրամիությունը հեռացրել է Վրաստանին ԵՄ-ի կողմից ֆինանսավորվող անվտանգության եւ կազմակերպված հանցավորության վերաբերյալ տարածաշրջանային նախագծերից։ Այս մասին նշվել է Վրաստանում ԵՄ դեսպան Պավել Գերչինսկու՝ երկրի արտաքին գործերի նախարարությանն ուղղած նամակում, որը հայտնվել է «Ռուսթավի 2» հեռուստաալիքի տրամադրության տակ։

Գերչինսկին նամակում պարզաբանել է, որ խոսքը վերաբերում է երեք նախագծի՝ Արեւելյան գործընկերության շրջանակում կազմակերպված հանցավորության դեմ պայքարին՝ Եվրոպոլի աջակցությամբ, կազմակերպված հանցավորության դեմ պայքարում համագործակցությանը (TOPCOP II) եւ ԵՄ թմրանյութերի մոնիթորինգի նախագծին (EU4MD II): Վրաստանին ծրագրերից հեռացնելն ուժի մեջ է մտել հոկտեմբերի 15-ին եւ վերաբերում է Վրաստանի ներքին գործերի եւ արդարադատության նախարարությունների ներկայացուցիչներին։