«Զանգեզուրի միջանցքը» ավելի լայն հասկացություն է, այն չունի բացասական նրբերանգ․ ադրբեջանցի փորձագետ

Ադրբեջանի դիրքորոշումը մնում է նույնը՝ ունենալ անխոչընդոտ և արագընթաց անցում: Այս մասին լրագրողներին ասել է Երևանում անցկացվող «Օրբելի» կենտրոնի կազմակերպած ֆորումին մասնակից ադրբեջանցի փորձագետը՝ պատասխանելով այն հարցին, թե ինչու Է Բաքուն պնդել, որ խաղաղության համաձայնագրում լինի «անխոչընդոտ» ձևակերպումը:

«Եվ կարևոր է, որ այստեղ շահութաբաժին քաղի Նախիջևանի բնակչությունը, որոնք տուժել են գրեթե 4 տասնամյակ տևած հակամարտության հետևանքով: Նրանք էլ արժանի են տեսնելու երկու երկրների միջև խաղաղության շահութաբաժինները»,- նշել է նա:

Երևանում գտնվող մյուս ադրբեջանցի փորձագետն էլ ասել է՝ «Զանգեզուրի միջանցքը» ավելի լայն հասկացություն է, և դա չի վերաբերում TRIPP-ին:

«Ի տարբերություն Հայաստանի, այն չունի բացասական նրբերանգ։ Երբ մենք ասում ենք միջանցք եզրույթը,  Հայաստանում այլ կերպ են ընկալում, Ադրբեջանում՝ այլ»,– նշել է նա։