Սիրիայի հարցով Ժնևի բանակցությունները կտևեն մինչև դեկտեմբերի 15-ը․ ՄԱԿ բանագնաց

Սիրիայի հարցով Ժնևում ընթացող խաղաղության բանակցությունները կտևեն մինչև դեկտեմբերի 15-ը: Այս մասին ասել է Սիրիայի հարցով ՄԱԿ-ի բանագնաց Ստաֆան դե Միստուրան:

Բանակցությունների կենտրոնում նոր Սահմանադրությունն է և ՄԱԿ-ի հովանավորած խորհրդարանական և նախագահական ընտրությունները: ՄԱԿ-ի բանագնացը նաև աշխատանքային 12 կետ է նշել որպես ընդհանուր տեսլական, թե ինչի կարող է նմանվել Սիրիան ավելի քան վեց տարվա պատերազմից հետո:

Սիրիայի իշխանության և ընդդիմության միջև բանակցությունների 8-րդ փուլը պաշտոնապես սկսվել է նոյեմբերի 29-ին: Միստուրան նշել է, որ բանակցություններն ընթանում են «լուրջ և պրոֆեսիոնալ» մթնոլորտում, սակայն նաև ավելացրել է՝ «վստահության պակասը լրջագույն խոչընդոտն է»:

2011 թվականին Սիրիայում բռնկված քաղաքացիական պատերազմի հետևանքով ավելի քան 330 հազար մարդ է մահացել, միլիոնավոր մարդիկ տեղահանվել են:

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը