Բացարձակապես ոչինչ չպետք է փոխի այս տարածաշրջանի աշխարհառազմավարական լանդշաֆտը․ Սաիդ Ղաթիբզադեն

«Պետք է հստակ ասեմ, որ մենք չենք ընդունում տարածաշրջանի աշխարհառազմավարական լանդշաֆտի որևէ փոփոխություն։ Մենք աջակցում ենք այն ամենին, ինչի շուրջ Հայաստանն ու Ադրբեջանը պայմանավորվում են միմյանց հետ՝ միջազգային իրավունքի հիման վրա և միջազգային նորմերին, Հայաստանի ինքնիշխանությանն ու իրավասությանը համապատասխան։ Բայց շատ կարևոր է նշել, որ ոչինչ, բացարձակապես ոչինչ չպետք է փոխի այս տարածաշրջանի աշխարհառազմավարական լանդշաֆտը։

Այդ իսկ պատճառով ինձ շատ է դուր գալիս այս «Խաղաղության խաչմերուկ»-ը, այս ճանապարհը: Մի քննարկման եմ մասնակցելն պարոն Գրիգորյանի հետ։ Նրանք հարցրեցին Զանգեզուրի մասին, և ես միտումնավոր բարձրացրի այդ հարցը, քանի որ ուզում էի Հայաստանից լսել, որ ոչ մի ճանապարհ իրականում չի կարող լինել միջանցքային տրամաբանության մեջ» ,- ասել է նա:

Ղաթիբզադեն ընդգծել է, որ Հայաստանը շատ կարևոր է Իրանի համար, այդ իսկ պատճառով Իրանը միշտ հանդես է եկել միջև լավագույն հարաբերությունների օգտին։ Դրա պատճառները բազմաթիվ են՝ երկկողմ հարաբերությունների աշխարհատնտեսական, աշխարհառազմավարական, աշխարհամշակութային ասպեկտները։

«Ես կցանկանայի եզրափակել այն մտքով, որ խաղաղությունն այն է, ինչ իսկապես անհրաժեշտ է մեր տարածաշրջանի համար։ Իրանը պատրաստ է օգտագործել իր բոլոր հնարավորությունները դա իրագործելու համար», — եզարփակել է Ղաթիբզադեն: