Դրոշ վառելն ամուր ոգու նշան չէ․ Լևոն Զուրաբյան
«Հայ ազգային կոնգրես» կուսակցության փոխնախագահ Լևոն Զուրաբյանը ֆեյսբուքյան էջում գրում է․ «Ստամբուլյան այցերից մեկի ժամանակ, երբ Տեր֊Պետրոսյանի ղեկավարած պատվիրակությունը նստած էր հյուրանոցի նախասրահում, թուրքական հեռուստատեսությամբ հենց այդ պահին ցուցադրում էին, թե ինչպես են ադրբեջանցիները, ի նշան բողոքի Տեր֊Պետրոսյանի դեմ՝ մի նավ վարձել եւ պտտվելով Մարմարա ծովում, վառում հայկական դրոշները։
Տեր֊Պետրոսյանն այդ ժամանակ ասաց. «Ես ինձ երջանիկ եմ զգում այս պահին։ Լուրջ պետություն ենք դարձել, եթե մեր դրոշը վառում են։ Վառում են ուժեղ պետությունների դրոշները, որովհետեւ անելու այլ բան ի վիճակի չեն»։ Սա, իրականում, իննսունականների մեր հաղթանակների ամենացայտուն դրսեւորումներից էր։
Իսկ երբ մենք ենք վառում հակառակորդների դրոշները, իմ ազգային արժանապատվությունը խոցվում է հենց այդ պատճառով։ Նշանակում է՝ այնքան անօգնական ենք դարձել եւ ճարահատ, որ այլ բանի ունակ էլ չենք։ Էնպես որ, դրոշ վառելը ամուր ոգու նշան չէ՜, խեղճության, պարտության, նվաստացման նշա՜ն է։
Մյուս կողմից, առաջին անգամն է, որ Հայաստանի իշխանությունները այդքան կտրուկ են հակադարձում Դաշնակցության այս ակցիային, ավելին, ահաբեկում սեփական ժողովրդին, ասելով, որ Խոզնավարում կրակոցները դրոշների այրման պատասխանն են։
Սա ավելի մեծ նվաստացման նշան է, արդեն պաշտոնական պետական մակարդակով։ Էլ չեմ ասում, որ այդ ահաբեկումը կառուցված է ստի վրա. կրակոցները եւ սրացումը ամբողջ հայ֊ադրբեջանական սահմանում սկսվեցին այն պահից, երբ հայտարարվեց հայ֊ադրբեջանական խաղաղության համաձայնագրի նախագծի տեքստի «համաձայնեցման» մասին եւ դա մատուցվեց որպես մեծ «առաջընթաց» դեպի խաղաղության հաստատումը։»


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Հրազդանի կիրճը մաքրվում է տասնամյակներով կուտակված աղբից (տեսանյութ)
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...
Նիկոլ Փաշինյանը հանդիպում է ունեցել Կոսովոյի վարչապետի հետ
Ընդդիմադիր ուժերի համախմբումը և քաղաքական սերնդափոխության անհրաժեշտությունը