Նախօրեին՝ դեկտեմբերի 5-ին, Վրաստանի ղեկավարության դեմ պատժամիջոցներ էր սահմանել նաև Ուկրաինայի նախագահ Վլադիմիր Զելենսկին։ Նրա խոսքով, սահմանափակումներն ազդել են Վրաստանի իշխանությունների այն հատվածի վրա, որը երկիրը «հանձնում է» Ռուսաստանի նախագահ Վլադիմիր Պուտինին։ Զելենսկին ԱՄՆ-ին, ԵՄ-ին և Կիևի մյուս գործընկերներին կոչ է արել «սկզբունքորեն գործել» և նաև սահմանափակումներ մտցնել Վրաստանի իշխանությունների դեմ։ «Այս տարածաշրջանում անհնար է որևէ մեկին կորցնել՝ ո՛չ Վրաստանին, ո՛չ Մոլդովային, ո՛չ Ուկրաինային։ «Մենք պետք է միասին պաշտպանվենք Մոսկվայից»,- ընդգծել է Ուկրաինայի նախագահը։
Պետքարտուղարության ղեկավար Էնթոնի Բլինքենն ավելի վաղ հայտարարել էր Վրաստանի իշխանությունների դեմ պատժամիջոցներ կիրառելու ԱՄՆ պատրաստակամության մասին։ «Նրանք, ովքեր խաթարում են Վրաստանի ժողովրդավարական գործընթացները կամ ինստիտուտները, ներառյալ նրանք, ովքեր ճնշում են Վրաստանի քաղաքացիների խաղաղ հավաքների և արտահայտվելու ազատության իրավունքները, պատասխանատվության կենթարկվեն», - խոստացել է Բլինքենը:
Նա իշխող «Վրացական երազանք» կուսակցությանը կոչ է արել դադարեցնել բռնաճնշումները, կալանավորումներն ու բռնությունները քաղաքացիների նկատմամբ, ազատ արձակել բոլոր նրանց, որոնք բերման են ենթարկվել հանրահավաքների ժամանակ։
Վրաստանում բողոքի ցույցերը սկսվել են հոկտեմբերի վերջին՝ խորհրդարանական ընտրություններից հետո, որտեղ հաղթել է իշխող «Վրացական երազանք» կուսակցությունը։ Զանգվածային ցույցեր են տեղի ունեցել այն բանից հետո, երբ նոյեմբերի 28-ին Վրաստանի վարչապետ Կոբախիձեն հայտարարեց, որ իշխանությունները կհետաձգեն ԵՄ-ին անդամակցելու շուրջ բանակցությունները մինչև 2028 թվականի վերջը, իսկ Թբիլիսին հրաժարվում է եվրոպական ֆինանսական օգնությունից։
Բողոքի ակցիաների ընթացքում բախումներ են եղել ոստիկանների հետ, որոնք կոշտ միջոցներ են կիրառել։ Դեկտեմբերի 4-ին ուժայինները խուզարկություններ են իրականացրել ընդդիմադիր «Ազգային շարժում», «Գիրչի՝ ավելի շատ ազատություն», «Դրոա» և «Ախալի» կուսակցությունների գրասենյակներում։
Բողոքի ցույցերի ֆոնին արտերկրում Վրաստանի հինգ դեսպան հրաժարական են տվել։ Ավելի քան 135 դիվանագետներ ստորագրել են եվրաինտեգրման շուրջ բանակցությունները հետաձգելու իշխանությունների որոշումը դատապարտող հայտարարություն։ Քննադատություններ են հնչել նաև Ազգային բանկի, կրթության նախարարության, Թբիլիսիի քաղաքապետարանի և Սահմանադրական դատարանի աշխատակիցներից։ Երկրի որոշ համալսարաններ և դպրոցներ ի նշան բողոքի դասադուլ են հայտարարել և դադարեցրել դասերը:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Ուկրաինան կարող է ստիպված լինել հաշտվել իր տարածքի մի մասի կորստի հետ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Մենք ենք պետք Եվրոպային, թե Եվրոպան` մեզ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...