Իրանի ԱԳՆ-ն մեղադրել է Ֆրանսիային Մերձավոր Արևելքում ճգնաժամ հրահրելու համար
Իրանի ԱԳՆ ներկայացուցիչ Բահրամ Քասեմին հայտարարել է, որ Ֆրանսիամ իր «կանխակալ» քաղաքականությամբ ճգնաժամ է հրահրում Մերձավոր Արևելքի տարածաշրջանում: Այդ մասին հայտնում է «ՌԻԱ Նովոստի»-ն՝ վկայակոչելով Իրանի ԱԳՆ կայքը:
Ավելի վաղ Ֆրանսիայի ԱԳՆ-ում հայտարարել են, որ Լիբանանի և հարևան երկրների գործերին Իրանի չմիջամտելը տարածաշրջանում կայունության պայմաններից մեկն է:
«Ցավոք, Ֆրանսիան կարծես միակողմանի և կողմնակալ մոտեցում ունի տարածաշրջանում ճգնաժամերի և մարդասիրական աղետների վերաբերյալ, և այդ մոտեցումը, լինի դա կանխամտածված, թե ոչ, անգամ նպաստում է պոտենցյալ ճգնաժամերը իրական դարձնելուն»,- հայտարարել է ԱԳՆ ներկայացուցիչ Բահրամ Քասեմին:
«Այլ երկրների բարձրաստիճան պաշտոնյաները ժամանում են Պարսից ծոցի տարածաշրջան, և արհամարհելով տարածաշրջանում գոյություն ունեցող շատ հստակ իրողությունները, Սաուդյան Արաբիայի հայտարարությունների ազդեցության տակ կրկին խոսում են Իրանի առնչությամբ կեղծ, անհիմն և թշնամական մտավախությունների մասին»,- հավելել է Քասեմին՝ ի պատասխան Ֆրանսիայի ԱԳՆ-ի ներկայացուցչի խոսքերին:
Ավելի վաղ հաղորդվել է, որ Լիբանանի վարչապետ Սաադ Հարիրին ընդունել է Ֆրանսիա այցելելու հրավերը՝ մոտ երկու շաբաթ առաջ տարածաշրջանը ցնցած նրա անակնկալ հրաժարականից հետո:
Նոյեմբերի 4-ին Էր Ռիադում գտնվող Լիբանանի վարչապետ, սուննի քաղաքական առաջնորդ Սաադ Հարիրին անսպասելի հրաժարական էր տվել՝ հայտարարելով, որ վախենում է իր կյանքի համար: Իր հրաժարականի խոսքում Հարիրին մասնավորապես մեղադրել էր Իրանին և լիբանանյան «Հեզբոլլահին» արաբական երկրների միջև վեճ գցելու համար և ասել, որ վախենում է իր դեմ մահափորձից: Սաուդյան Արաբիան և Իրանը միմյանց նկատմամբ մեղադրանքներ են հնչեցրել Լիբանանում և տարածաշրջանում անկայունություն հրահրելու վերաբերյալ:
Լիբանանի իշխանությունները կարծում են, որ Հարիրին իր կամքին հակառակ պահվում է Սաուդյան Արաբիայում, որի իշխանություններն էլ նրան հրահանգել են հրաժարական տալ:
Էր Ռիադը հայտարարում է, որ Հարիրին՝ «Սաուդյան Արաբիայի վաղեմի դաշնակիցը», ազատ մարդ է և երկիրը կապ չի ունեցել նրա հրաժարականի մասին հայտարարելու որոշման հետ:
Լիբանանի նախագահը հրաժարվում է որոշում կայացնել անակնկալ հրաժարականն ընդունելու վերաբերյալ, մինչև վարչապետ Սաադ Հարիրին չվերադառնա հայրենիք:
Մենք միանգամայն արժանիորեն դուրս եկանք հաջորդ փուլ
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Գանսուի թռչող ձին. չինական նահանգի հնագույն ժառանգություն
Երևանը կդառնա ժամանակակից երաժշտության և արվեստի միջազգային կենտրոն
Կարլոս Էսպին պայմանագիր է կնքել «Ռեալ Մադրիդի» հետ
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...
Ուրումչիի մշակութային ուղին. Գրանդ բազար
Գետերի վարարումների ժամանակ առաջացած ավելցուկային ջուրը որոշ դեպքերում անհատույց կտրամադրվի ոռոգման ...
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների
«Claude» արհեստական բանականությունը թեստավորման ժամանակ կոտրել է 3 ընկերության համակարգեր