Կիրակի օրը Բաղդադ կատարած այցի ժամանակ իր իրաքցի գործընկերոջ հետ համատեղ մամուլի ասուլիսում Արաքչին հայտարարել է, որ Իրանը դեմ է պատերազմ սկսելուն կամ տարածաշրջանում լարվածության սրմանը:
«Սակայն մենք պատրաստ ենք ցանկացած հանգամանքների։ Մենք պատրաստ ենք և՛ պատերազմի, և՛ խաղաղության։ Մենք հանդես ենք գալիս հօգուտ խաղաղության և փորձում ենք խաղաղության հասնել Գազայում և Լիբանանում»,- ասել է նա:
Նշելով տարածաշրջանի առջև ծառացած լուրջ մարտահրավերները և զգուշացնելով տարածաշրջանում տագնապալի իրավիճակի մասին՝ Արաքչին ընդգծել է դաշնակից երկրների միջև ավելի սերտ խորհրդակցությունների անհրաժեշտությունը։
«Տարածաշրջանը տագնապային վիճակում է, և բախումների բռնկման հավանականությունը շատ մեծ է, ինչը կապված է սիոնիստական ռեժիմի հանցագործությունների հետ»,- ասել է նա՝ զգուշացնելով տարածաշրջանի այլ երկրներում ճգնաժամի տարածման մասին։
«Անհրաժեշտ է պայքարել իսրայելական ռեժիմի ագրեսիայի գործողությունների դեմ, որպեսզի դադարեցվի Գազայի և Լիբանանի բնակիչներին պարտադրված պատերազմը»,- ասել է Արաքչին։ Արտգործնախարարը նշել է, որ շատ արդյունավետ խորհրդակցություններ է ունեցել իրաքյան պաշտոնյաների հետ։
«Սիոնիստական հանցագործություններին պետք է վերջ դրվի, և պետք է հրադադար հաստատվի։ Մենք որոշեցինք այդ հարցով խորհրդակցություններ անցկացնել Իրաքի հետ և հասնել հրադադարի (Գազայում)»,- ասել է Իրանի արտգործնախարարը։
Նա նաև գովել է Իրաքին այն հայտարարության համար, որ վերջինս թույլ չի տա իր օդային տարածքն օգտագործել Իրանի վրա հարձակվելու համար:
Իրաքի արտաքին գործերի նախարար Ֆուադ Հուսեյնն իր հերթին Գազայի և Լիբանանի դեմ Իսրայելի պատերազմը դադարեցնելու նպատակով հավաքական գործողությունների կոչ է արել։ Դատապարտելով Իրանի և Իրաքի դեմ Իսրայելի սպառնալիքները՝ Հուսեյնն ընդգծել է, որ իր երկիրը չի վերածվի մարտադաշտի։ Նա ընդգծել է, որ Իրաքի օդային տարածքը բացառված կլինի ցանկացած հնարավոր պատերազմից։ «Տարածաշրջանում պատերազմի բռնկումը կհանգեցնի անկայունության և խաղաղության բացակայության», հայտարարել է նա։
Իրաքի արտաքին գործերի նախարարը զգուշացրել է, որ պատերազմը կհանգեցնի քաոսի և թույլ կտա այնպիսի խմբավորումներին, ինչպիսին ԴԱԻՇ-ն է, վերսկսել ահաբեկչական գրոհները:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը