Ադրբեջանը կատարել է աննախադեպ խախտում․ ԽԿԿ
Եվրոպայի խորհրդին կից Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեն հրապարակել է Ադրբեջանի վերաբերյալ հրապարակային հայտարարություն։
«Այս հայտարարությունը, որն արվել է Կոմիտեի ստեղծման մասին Կոնվենցիայի 10-րդ հոդվածի համաձայն, վերաբերում է Ադրբեջանի իշխանությունների կողմից ԽԿԿ-ի հետ համագործակցության մշտական բացակայությանը:
Հրապարակային հայտարարություն անելու այս բացառիկ որոշման պատճառը ադրբեջանական իշխանությունների ուղղակի հրաժարումն է ԽԿԿ-ի հետ համագործակցությունից։ Կոմիտեն անկեղծ փորձեր է արել կառուցողական երկխոսության մեջ մտնելու Ադրբեջանի իշխանությունների հետ՝ լուծելու այն խնդիրները, որոնք ընկած են ԽԿԿ-ի գոյության հիմքում: Իր զեկույցներում նա մանրամասնել է, որ շարունակել է ոստիկանության աշխատակիցների կողմից վատ վերաբերմունքի և նույնիսկ խոշտանգումների մեղադրանքներ ստանալ:
Այնուամենայնիվ, Ադրբեջանի ՆԳՆ-ն որևէ քայլ չի ձեռնարկել՝ կյանքի կոչելու Կոմիտեի վաղեմի հանձնարարականները՝ դադարեցնելու նման գործելաոճը: Բացի այդ, կոմիտեն չի ստացել նամակների պատասխաններ, որոնցում խնդրել են հեշտացնել երկխոսությունը Բաքվում բարձր մակարդակի բանակցությունների միջոցով կամ նույնիսկ Ադրբեջանի իշխանություններին այցի մասին ծանուցելուց հետո: Սա Կոնվենցիայի հիմնարար և աննախադեպ խախտում է:
Հաշվի առնելով իրավապահների կողմից կալանավորների նկատմամբ վատ վերաբերմունքի և նույնիսկ խոշտանգումների հետ կապված խնդիրների լրջությունը՝ ԽԿԿ-ն նաև որոշել է հրապարակել 2022 թվականին Ադրբեջան կատարած հատուկ այցի զեկույցը՝ որպես հրապարակային հայտարարության հավելված»,- նշել է Կոմիտեն:
ՆԳ նախարար Արփինե Սարգսյանի հրամաններով կադրային փոփոխություններ են տեղի ունեցել Պարեկային ծառայությ...
Չեռնոբիլի ԱԷԿ-ի մեկուսացման գոտում թափառող շները գենետիկական կտրուկ փոփոխությունների են ենթարկվել
Սեռական օրգանի ներարկումներով ճարպակալումից «բուժված» թոշակառուին 412 միլիոն դոլար կվճարեն պատճառված...
Անդրանիկ Քոչարյանը կանգնել է ՔՊ վարչության առջև ու ներողություն խնդրել
Ավտոբուսի վարորդները գործադուլ են հայտարարել. Երեւանի կանգառները կաթվածահար վիճակում են
«Վըըըը, այ քեզի բան». ՔՊ-ական պատգամավորները չեն բացահայտում, թե ինչ է քննարկվում նիստին
Երթևեկության կազմակերպման փոփոխություն՝ Մաշտոցի պողոտա-Ամիրյան փողոց խաչմերուկում
Նիկոլի խոփը Հովիկի քարին է դեմ առել
Կողոպտիչները 25 հազար դոլար են գողացել ավտոմեքենայից, որի տերը եկեղեցում աղոթում էր
Դոլարն ու եվրոն շարունակում են թանկանալ. Նրանց է միացել ռուբլին