Գերմանիայում գործազրկության նպաստը կվճարեն սուպերմարկետներում
Գերմանիայի Աշխատանքի դաշնային գործակալությունը կապամոնտաժի իր մասնաճյուղերում տեղադրված բոլոր դրամարկղային ավտոմատ սարքերը, որոնց միջոցով վճարվում էին գործազրկության նպաստները: Դրանց փոխարեն նպաստը հնարավոր կլինի ստանալ սուպերմարկետների եւ կենցաղային քիմիայի ու կոսմետիկայի խանութների դրամարկղերում, նոյեմբերի 12-ին հայտարարել է գերատեսչության ներկայացուցիչը, փոխանցում է DW-ն:
Նպաստը կվճարեն ավելի քան 8 հազար խանութներում, այդ թվում՝ Rewe, Penny, Real, DM եւ Rossmann ցանցերում: Սուպերմարկետներում նպաստի վճարմանն անցումը կավարտվի մինչեւ 2018 թվականը:
2016 թվականին Աշխատանքի դաշնային գործակալությունը 120 մլն եվրո ընդհանուր գումարով մոտ 400 հազար նպաստները վճարել է հատուկ ավտոմատ սարքերով, ասել է գործակալության զրուցակիցը: Ըստ որում՝ գործազուրկների մեծ մասը նպաստը ստանում է բանկային հաշվեհամարին փոխանցմամբ, իսկ ավտոմատ սարքերով վճարումները կատարվել են առավելապես արտակարգ դեպքերում, նշել է նա: Դրանից բացի, գոյություն ունի նպաստը դրամական չեկով ստանալու հնարավորությունը:
Պարբերականի տեղեկություններով՝ աշխատանքի գործակալության մասնաճյուղերում 300-ից մի փոքր ավելի ավտոմատ սարքերի պահպանման համար տարեկան մոտ 3,2 մլն եվրո էր ծախսվում: Դրանց ապամոնտաժման որոշումն ընդունվել է խնայելու նկատառումներով:
Մենք միանգամայն արժանիորեն դուրս եկանք հաջորդ փուլ
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Գանսուի թռչող ձին. չինական նահանգի հնագույն ժառանգություն
Երևանը կդառնա ժամանակակից երաժշտության և արվեստի միջազգային կենտրոն
Գետերի վարարումների ժամանակ առաջացած ավելցուկային ջուրը որոշ դեպքերում անհատույց կտրամադրվի ոռոգման ...
Կարլոս Էսպին պայմանագիր է կնքել «Ռեալ Մադրիդի» հետ
Ուրումչիի մշակութային ուղին. Գրանդ բազար
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների