Իրանի նախագահը կոչ է արել պատասխանատվության ենթարկել «Կրոկուսի» ահաբեկչության մեղավորներին

Իրանի նախագահ Էբրահիմ Ռաիսին միջազգային հանրությանը կոչ է արել պատասխանատվության ենթարկել ուրբաթ երեկոյան Մոսկվայում տեղի ունեցած մահասփյուռ ահաբեկչության կազմակերպիչներին եւ կատարողներին, տեղեկացրել է Tasnim-ը։

Շաբաթ օրը ռուս պաշտոնակցին՝ Վլադիմիր Պուտինին հղած ուղերձում Իրանի նախագահը ցավակցություններ է հայտնել «Կրոկուս սիթի հոլի» վրա հարձակման հետեւանքով անմեղ քաղաքացիների զոհվելու առնչությամբ։

Ռաիսին վճռականորեն դատապարտել է հարձակումը եւ հայտնել Իրանի աջակցությունը Ռուսաստանի իշխանությունների ջանքերին երկրի ազգային անվտանգության պաշտպանության հարցում։

Իրանի նախագահը միջազգային հանրությանը կոչ է արել դիմել լուրջ գործողությունների, որպեսզի պատժվեն նրանք, ովքեր կազմակերպել եւ իրականացրել են այդ արյունալի ահաբեկչությունը։

Այս թեմայով Մեզ ասացին, որ գնանք Կիև, այնտեղ մեզ 1 միլիոն ռուբլի կտան․ Crocus City Hall-ի գործով մեղադրվողներ Տաջիկստանում 9 մարդ է ձերբակալվել Crocus City Hall-ի գործով Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե Crocus City Hall-ում ահաբեկչություն իրականացնողները եղել են թմրամիջոցների կամ հոգեմետ նյութերի ազդեցության տակ Crocus City Hall-ը՝ ահաբեկչությունից հետո