2024-ին Ուկրաինայում հակամարտությունը կարգավորելու հիմք չկա. կա դրա տարածման վտանգ. Ֆիդան
2024 թվականին Ուկրաինայում հակամարտությունը կարգավորելու հիմք չկա. այս մասին CNN Türk-ին տված հարցազրույցում հայտարարել է Թուրքիայի արտգործնախարար Հաքան Ֆիդանը։
«Հակամարտության տարածման վտանգ կա դեպի այլ տարածաշրջաններ՝ դեպի Արևելյան Եվրոպա, դեպի Կենտրոնական Եվրոպա, խոսվում է միջուկային զենքի մասին։ Մենք տեսնում ենք, որ Եվրոպայում մի շարք քաղաքական գործիչներ աստիճանաբար սկսում են գիտակցել ռիսկերը։ Եվրոպան մեզնից շատ պետք է անհանգստանա»,- ասել է Ֆիդանը:
Նա հավելել է, որ որոշակի հույսեր կան կապված 2025թ.-ի հետ: Այնուամենայնիվ, նրա խոսքով, «պետք է սպասել և տեսնել, թե ինչ պայմաններ կզարգանան»:
«Բայց իրականությունն այն է, որ սա վերածվել է մաշման պատերազմի՝ մեծ կորուստներով և առանց հաղթանակի: Ռեսուրսները սպառվում են, կյանքեր են խլվում, էսկալացիայի վտանգը մեծանում է։ Թուրքիան չափազանց մտահոգված է այս վտանգով։ Բայց սա մարդասիրական կողմն է։ Եվ եթե նայենք ռազմավարական տեսանկյունից, ապա մեզ խիստ մտահոգում է տարածաշրջանում հակամարտության տարածման վտանգը»,- ասել է Թուրքիայի ԱԳՆ ղեկավարը։