Նախիջևանին կապող ցամաքային միջանցք ստանալու Ադրբեջանի պահանջը կմեծացնի զինված առճակատման վտանգը․ ԱՄՆ հետախուզություն
Հայ-ադրբեջանական հարաբերությունները, ամենայն հավանականությամբ, կմնան լարված, «սակայն Ադրբեջանի կողմից Լեռնային Ղարաբաղի վերադարձը նվազեցրել է անկայունությունը, և ռազմական առճակատումը, հավանաբար, սահմանափակ կլինի տևողությամբ և ինտենսիվությամբ»: Այս մասին ասվում է մարտի 11-ին հրապարակված «ԱՄՆ-ի հետախուզական համայնքի տարեկան սպառնալիքների գնահատում» զեկույցում։
«Երկկողմ հաշտության պայմանագիր, սակայն, դեռևս չկա, նրանց զինված ուժերը մոտ են միմյանց, զինադադարի կիրառման մեխանիզմը բացակայում է, և Ադրբեջանը պատրաստ է ռազմական ճնշում գործադրել Հայաստանի հետ բանակցություններում իր նպատակներին հասնելու համար: Ավելին, Լեռնային Ղարաբաղում իշխանության փոխանցումը էթնիկ հայերից ադրբեջանցիներին և Ադրբեջանի՝ իր էքսկլավի հետ կապ հաստատող ցամաքային միջանցք ստանալու պահանջը կմեծացնեն զինված առճակատման վտանգը»,- ասված է զեկույցում։
Փաստաթղթում նշվում է, որ 2023 թվականի սեպտեմբերին Ադրբեջանը «ձեռնարկեց ռազմական գործողություն, որը հանգեցրեց Լեռնային Ղարաբաղի ինքնապաշտպանության ուժերի ջախջախմանը և Լեռնային Ղարաբաղի դե ֆակտո իշխանությունների կապիտուլյացիային»։
«Տարածաշրջանի էթնիկ հայ բնակչության մեծ մասի արագ արտագաղթը և կառավարության ծրագրված լուծարումը թույլ տվեցին Բաքվին առաջ տանել տարածաշրջանը Ադրբեջանին ինտեգրելու ծրագրերը՝ արդյունավետորեն հեռացնելով այս երկարատև խնդիրը երկկողմ խաղաղության օրակարգից»,- նշվում է ԱՄՆ հետախուզության զեկույցում։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը