Բաքուն շտապել է Ֆրանսիային «բացառել» Հայաստանի և Ադրբեջանի միջև հարաբերությունների կարգավորման գործընթացից
Բաքուն շտապել է Ֆրանսիային «բացառել» Հայաստանի և Ադրբեջանի միջև հարաբերությունների կարգավորման գործընթացից:
«Ֆրանսիան դուրս է մնում Հայաստանի և Ադրբեջանի միջև հարաբերությունների կարգավորման գործընթացից»,- Trend-ի փոխանցմամբ՝ հայտնել է Ադրբեջանի նախագահի հատուկ հանձնարարությունների գծով ներկայացուցիչ, դեսպան Էլչին Ամիրբեկովը, ում խոսքերը մեջբերում է ֆրանսիական L’Opinion հրատարակությունը։
«Ֆրանսիան այժմ հեռացվել է [Ադրբեջանի և Հայաստանի միջև] միջնորդի իր դերից և նույնիսկ վնասում է այս հարցում ԵՄ-ի դերին», - ասել է նա՝ մեկնաբանելով Բաքվում Ֆրանսիայի քաղաքացի Մարտին Ռայանի լրտեսության մեղադրանքով ձերբակալությունը։
Հիշեցնենք, որ ադրբեջանական իշխանությունները Մարտին Ռայանին ձերբակալել էին լրտեսության մեղադրանքով 2023 թվականի դեկտեմբերի 4-ին։ Merkorama ՍՊԸ-ի գործադիր տնօրեն Մարտին Ռայանը, իբր, հավաքագրվել է գաղտնի համագործակցության համար DGSE-ի (Արտաքին անվտանգության գլխավոր տնօրինության) ֆրանսիացի գործակալի կողմից, որը հետագայում վտարվել է Բաքվից: