Իրանի պատվիրակությունը հրաժարվել է մասնակցել COP-28-ին՝ Իսրայելի ներկայության պատճառով

Իրանի էներգետիկայի նախարար Ալի Աքբար Մեհրաբիանի գլխավորած պատվիրակությունն Իսրայելի մասնակցության պատճառով դուրս է եկել Կլիմայի փոփոխության մասին ՄԱԿ-ի շրջանակային կոնվենցիայից (COP28), որն անցկացվում է Արաբական Միացյալ Էմիրություններում (ԱՄԷ): Այս մասին հայտնում է IRNA գործակալությունը։

Հինգշաբթի երեկոյան պատվիրակությունը մեկնել է ԱՄԷ՝ մասնակցելու համաժողովին և պլանավորել է Պաղեստինի հարցը քննարկել մասնակից երկրների ղեկավարների և ներկայացուցիչների հետ։ Իրանական կողմը պնդում է, որ վստահ է եղել, որ իսրայելական պատվիրակությունը հրաժարվել է մասնակցել համաժողովին։ Սակայն Դուբայ ժամանելուն պես, որտեղ ընթանում է COP-28-ը, իրանական պատվիրակությանը հայտնել են, որ Իսրայելի նախագահն ու նրան ուղեկցող պատվիրակությունը, այնուամենայնիվ, ժամանել են համաժողով։

Դրանից հետո Իսլամական Հանրապետությունը հրաժարվել է մասնակցել միջոցառմանը` ի նշան բողոքի Գազայի հատվածում Իսրայելի գործողությունների դեմ։