Եթե որոշվի Հայաստանով ու Ադրբեջանով անցնող առևտրային ուղիները բացել ոչ խաղաղ ճանապարհով, ԱՄՆ-ն ստիպված կլինի օգտագործել ցանկացած գործիք՝ կանխելու դա. Ջեյմս Օ'Բրայեն
Միացյալ Նահանգները պատրաստ է ինչպես աջակցել Անդրկովկասով Կենտրոնական Ասիայից դեպի Թուրքիա առևտրային ճանապարհ ստեղծելու փորձերին, այնպես էլ արգելափակել նման նախագծերն Ադրբեջանի կողմից Հայաստանի դեմ ուժ կիրառելու դեպքում։
Այս մասին, ինչպես գրում է ՏԱՍՍ գործակալությունը, լրագրողների հետ հատուկ հեռախոսային ճեպազրույցի ժամանակ հայտարարել է ԱՄՆ պետքարտուղարի՝ Եվրոպայի և Եվրասիայի հարցերով օգնական Ջեյմս Օ'Բրայենը։
«Մենք տեսնում ենք Հայաստանի և Ադրբեջանի միջև խաղաղության հասնելու իրական հնարավորություն: Եվ դրանում մենք տեսնում ենք նաև ամբողջ տարածաշրջանի համար օգուտ քաղելու իրական հնարավորություն։ Օրինակ, եթե առևտուրը կարողանա Կենտրոնական Ասիայից Ադրբեջանի և Հայաստանի տարածքով անցնել Թուրքիա, ապա դա էական խթան կհանդիսանա բոլոր այն երկրների համար, որոնք գտնվում են այդ առևտրային ճանապարհին։ Եվ մենք կողջունենք դրա մի մասը լինելու հնարավորությունը», - ասել է ամերիկացի պաշտոնյան:
Միևնույն ժամանակ դիվանագետը նախազգուշացրել է, որ «եթե դրան խաղաղ ճանապարհով չհասնելու որոշում կայացվի», ապա ամերիկյան իշխանությունները «ստիպված կլինեն օգտագործել ցանկացած հնարավոր գործիք՝ կանխելու նման տեսակի առևտրային ճանապարհի ստեղծումը»։
Օ'Բրայենը հավելել է, որ Վաշինգտոնն այժմ սպասում է Բաքվի և Երևանի պատասխանին։
«Մենք շատ պարզ հասկացրել ենք կողմերին, թե ինչ ենք ակնկալում տեսնել, ինչպես նաև՝ ինչ հետևանքներ կունենան հակադարձ գործողութունները: Այնպես որ, տեսնենք՝ ինչ կորոշեն կողմերը։ Մենք գիտենք, որ նրանք հետաքրքրություն են հայտնել խաղաղ համաձայնագիրը հնարավորինս շուտ կնքելու հարցում, և մենք շատ կցանկանայինք դա տեսնել»,- ասել է պետքարտուղարի օգնականը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը