Աֆղանստանի զինուժի կորուստները վերջին կես տարում ավելացել են

Վերջին ութ տարվա մեջ արդեն երկրորդ անգամ Միացյալ Նահանգների զինված ուժերը, պաշտոնական Քաբուլի խնդրանքով, տեղեկատվություն չեն տրամադրում Աֆղանստանի բանակում և ոստիկանական ուժերում զոհերի ու կորուստների թվի վերաբերյալ: Երեկ այս մասին հայտարարել է Աֆղանստանի վերականգնման հարցով հատուկ գլխավոր տեսչությունը (SIGAR - Special Inspector General for Afghanistan Reconstruction):

Ավելի վաղ տեսչության զեկույցից հայտնի էր դարձել, որ աֆղանական բանակում և ոստիկանությունում կորուստներն ավելացել են վերջին վեց ամիսներին՝ «Թալիբան»-ի ակտիվացմանը զուգընթաց:

Դիտորդական գործակալության ղեկավար Ջոն Սոպկոն քննադատել է զինված ուժերի այս որոշումը, ընդգծելով, որ այդ տվյալները անհրաժեշտ էին՝ գնահատելու համար Աֆղանստանում ընթացող վերականգնողական գործողությունները: Մասնավորապես, Աֆղանստանի անվտանգության ուժերի ուսուցման ու վերազինման վրա 2002 թվականից ծախսվել է ԱՄՆ-ի տրամադրած 121 միլիարդ դոլարի ավելի քան 60 տոկոսը:

Այս թեմայով Աֆղանստանում ռազմական ուղղաթիռ է կործանվել Աֆղանստանում 3 չեխ զինծառայող է զոհվել Աֆղանստանում մզկիթում ահաբեկչության հետեւանքով 15 մարդ է զոհվել Քաբուլի կենտրոնում արկ է ընկել, որի հետեւանքով 3 մարդ վիրավորվել է Աֆղանստանում հաջողությամբ շարունակում են միմյանց սպանել եւ ոչնչացնել