Սաակաշվիլիի խորհուրդները Փաշինյանին
Վրաստանի նախկին նախագահ Միխայիլ Սաակաշվիլին դիմել է Հայաստանի վարչապետ Նիկոլ Փաշինյանին մի շարք ընդարձակ խորհուրդներով, որոնք «թույլ չեն տա Պուտինին ոչնչացնել» Փաշինյանին։ Դրանց թվում է այսպես կոչված «Ադրբեջանի հետ խաղաղության պայմանագրի» «անհապաղ կնքումը»։
Իր դիմումում, որը հրապարակվել է X-ի միկրոբլոգում, Սաակաշվիլին հավաստիացնում է, որ իրեն «խիստ հուզում է մեր տարածաշրջանի եւ Հայաստանի ճակատագիրը»։
Նրա խոսքով՝ կապված այն բանի հետ, որ Փաշինյանն իշխանության է եկել «գունավոր հեղափոխությամբ», Պուտինը «նրան երբեք դա չի ների»։ «Մանավանդ Ձեր վերջին հայտարարություններից, քաղաքական քայլերից եւ Հռոմի ստատուտի վավերացումից հետո. նա Ձեր ոխերիմ թշնամին է եւ կտապալի Ձեզ բոլոր առկա հնարավորություններով՝ ներքին անկարգություններով, ռազմական գործողություններ հրահրելով»,- նշել է Սաակաշվիլին՝ ավելացնելով, որ Փաշինյանը «շատ քիչ ժամանակ ունի»։ Նա այնուհետեւ ակնարկում է այն, որ Փաշինյանը պետք է պետապարատի «զտում» իրականացնի, որը Կրեմլի «հինգերորդ շարասյունն է»։
«...Վերջին իրադարձությունները Հայաստանի շուրջ մեր տարածաշրջանին նոր շանս են տալիս։ Որոշ ժամանակ հետո մենք կարող ենք ապրել ինչպես երեք բալթյան երկրները՝ բաց սահմաններով, ստեղծել լոգիստիկ, ֆինանսական, էներգետիկ հաբերի մի ամբողջ համակարգ՝ օգտագործելով մեր երեքից յուրաքանչյուրի առավելությունները։ Բայց դրա համար Դուք պետք է շտապեք եւ մի կողմ նետեք ցանկացած տատանում, վա-բանկ գնաք»,- նշել է վրացի քաղաքական գործիչը։
Նա Փաշինյանին կոչ է անում «պահանջել, որ անհապաղ դուրս բերվի ռուսական ռազմակայանը, դուրս գալ ԱՊՀ-ից, ՀԱՊԿ-ից, մաքսային միությունից եւ Եվրամիության ու ՆԱՏՕ-ի անդամակցության հայտ ներկայացնել»։ «Եվ վերջապես, Դուք պետք է բացահայտ հայտարարեք եւ անհապաղ ստորագրեք խաղաղության պայմանագիր Ադրբեջանի հետ եւ դրանով իսկ ճանապարհ բացեք հիմնարար փոփոխությունների համար Հայաստանի ներսում եւ արտաքին քաղաքականությունում»,- խորհուրդ է տալիս Սաակաշվիլին՝ հույս հայտնելով, որ «Փաշինյանի անձնական քաջությունն ու քաղաքական համարձակությունը» «թույլ չեն տա Պուտինին ոչնչացնել» թե՛ նրան, թե՛ «կործանել» Հայաստանն ու ողջ տարածաշրջանը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը