Ադրբեջանը սեպտեմբերի 19-ի գործողության հետևանքով ունի 199 զոհ. Meydan TV

Ադրբեջանը սեպտեմբերի 19-ին Արցախում շփման գծի ամբողջ երկայնքով իրականացրած ռազմական գրեսաիայի հետևանքով ունի 199 զոհ. այս մասին հայտնում է ադրբեջանական Meydan TV-ն:

Լրատվամիջոցն իր նյութում հրապարակել է մեկօրյա գործողության հետևանքով զոհված ադրբեջանցիների անունները՝ ընդգծելով, որ թեև երկրի Պաշտպանության նախարարությունը մինչ այժմ չի հայտնում զոհված զինծառայողների թիվը, սակայն սոցցանցերում տարածված և Meydan TV-ին հարազատների ու որոշ իշխանական ներկայացոիցիչների կողմից հաստատված տվյալների համաձայն՝ մահացած զինծառայողների թիվը 199 է:

Սեպտեմբերի 19-ին Ադրբեջանը շփման գծի ողջ երկայնքով ռազմական ագրեսիա է սկսել Արցախում՝ դա անվանելով «տեղական բնույթի հակաահաբեկչական միջոցառումներ»՝ իբրև թե «սահմանադրական կարգը վերականգնելու» համար։ Մեկ օր անց ռուս խաղաղապահների միջնորդությամբ պայմանավորվածություն է ձեռք բերվել հրադադարի մասին, հրադադարի պայմանների թվում նախանշվել է, մասնավորապես, Պաշտպանության բանակի զինաթափումը և ծանր տեխնիկայի դուրսբերումն Արցախից։ Սեպտեմբերի 21-ին Ադրբեջանի Եվլախ քաղաքում՝ Ստեփանակերտից 100 կիլոմետր հյուսիս-արևելք, տեղի է ունեցել Արցախի ներկայացուցիչների հանդիպումը Ադրբեջանի պատվիրակության հետ։