Էդողանը մտադիր է Պուտինին առաջարկել վերականգնել խաղաղ բանակցություններն Ուկրաինայի վերաբերյալ
Թուրքիայի նախագահ Ռեջեփ Թայիփ Էրդողանը Ռուսաստանի նախագահ Վլադիմիր Պուտինի հետ նախատեսվող բանակցություններում մտադիր է առաջարկել վերսկսել խաղաղ բանակցություններն Ուկրաինայի վերաբերյալ, «ՌԻԱ Նովոստի»-ին ասել է աղբյուրը Թուրքիայի նախագահի աշխատակազմում։
«Նախագահ (Թայիփ Էրդողանը- ծան.՝ խմբ.) կառաջարկի իր միջնորդությունը հակամարտության կարգավորման գործում, նորից կկրկնի թեզն այն մասին, որ պատերազմում հաղթողներ չեն լինի, իսկ խաղաղ գործընթացում՝ պարտվողներ»,- նշել է աղբյուրը։
Անկարան, գործակալության զրուցակցի խոսքով, հանդես է գալիս հրադադարի եւ բանակցություններ սկսելու օգտին։
Աղբյուրն Էրդողանին անվանել է «միակ համաշխարհային առաջնորդը», որը վայելում է Վլադիմիր Պուտինի եւ Վլադիմիր Զելենսկու «անկեղծ վստահությունը»։
Ինչպես անցած շաբաթ տեղեկացրել են Կրեմլում, Ռուսաստանի եւ Թուրքիայի նախագահները պայմանավորվել են առաջիկայում կոնկրետ որոշել հանդիպման տեղն ու ժամկետը։ Բանակցությունների օրակարգում երկկողմ հարաբերություններն են, Ուկրաինայի եւ հացահատիկի գործարքի մասին հարցերը։
Ինչպես ավելի վաղ նշել էր Պուտինը, նա Էրդողանի հետ քննարկել է անձնական հանդիպման հնարավորությունը, այդ թվում հրավեր է ստացել այցելել Անկարա։ Բայց Թուրքիային ընտրարշավի ժամանակ կողմերը հրաժարվել են ուղեւորությունից, որպեսզի ոչ ոք չշահարկի այցի թեման։ Էրդողանի ընդդիմախոսները կարող էին Ռուսաստանի նախագահի այցը գնահատել որպես ներքին գործերի վրա ազդեցության փորձ։
Պուտինի միջազգային գործերի գծով օգնական Յուրի Ուշակովը հավաստիացրել է, որ Մոսկվան եւ Անկարան նախատեսում են Ռուսաստանի նախագահի այցը Թուրքիա, բայց կոնկրետ ժամկետի մասին կողմերը չեն պայամանավորվել։
Մոսկվան քանիցս Ուկրաինայի հետ բանակցությունների պատրաստակամություն է հայտնել, բայց Կիեւի ռեժիմն օրենսդրական մակարդակով արգելել է դրանք։ Ինչպես նշել են Կրեմլում, իրավիճակը հարեւան երկրում կարելի է կարգավորել միայն տարածքային փոփոխությունների հաշվառմամբ։