Թուրքիայի ԱԳՆ-ն դատապարտել է Ղուրանն այրելու ակցիան Շվեդիայում

Թուրքիայի արտաքին գործերի նախարար Հաքան Ֆիդանը դատապարտել է Ղուրանի այրման ակցիան, որը տեղի է ունեցել Ստոկհոլմի գլխավոր մզկիթի մոտ։ Թուրքիայի արտաքին քաղաքական գերատեսչության ղեկավարը «ստոր» է անվանել ակտիվիստների արարքը, որը կատարվել է իսլամական Կուրբան բայրամի առաջին օրը։ «Անթույլատրելի են այս հակաիսլամական ակցիաներնը խոսքի ազատության պատրվակի ներքո։ Նման վայրագությունների հանդեպ աչք փակելը նշանակում է համամասնակից լինել»,- ընդգծել է Ֆիդանը։

Ակցիան Ստոկհոլմում թույլատրվել էր Շվեդիայի ոստիկանության կողմից։ Փետրվարին թագավորության իրավապահ մարմինները մերժել էին նման միջոցառում անցկացնելու միջնորդությունն անվտանգության նկատառումներով։ Սակայն հունիսին վճռաբեկ դատարանն այդ արգելքը անիրավաչափ է համարել։