Վրաստանը հերքել է դեպի ՌԴ ծովային փոխադրումների մասին տեղեկությունը. մեկ տարանցիկ ուղերթ նախատեսված է ՀՀ-ի համար
Վրացական Բաթումից Նովոռոսիյսկ կանոնավոր բեռնափոխադրումներ սկսելու մասին մամուլում շրջանառվող տեղեկատվությունը չի համապատասխանում իրականությանը, հայտնում է Վրաստանի ծովային տրանսպորտի գործակալությունը։
«Հայկական որոշ լրատվամիջոցների տարածած տեղեկատվությունն այն մասին, որ ապրիլից Բաթումիից Ռուսաստանի Նովոռոսիյսկ քաղաք կանոնավոր ծովային փոխադրումներ են սկսվելու, չի համապատասխանում իրականությանը»,- ասվում է սոցցանցում գործակալության պաշտոնական էջում հրապարակված հաղորդագրության մեջ։
Գերատեսչությունը հայտնել է, որ ապրիլին Պալաուի դրոշով նավը՝ Haci Musa Ucak-ը, իսկապես երկու կոմերցիոն ուղերթ է իրականացրել Բաթումի եւ Նովոռոսիյսկի միջեւ: Միաժամանակ գործակալությունը նշում է, որ դրանք ոչ թե կանոնավոր, այլ կոմերցիոն ուղերթներ են, որոնք իրականացվում են պարբերաբար։
«Ընկերությունը, որին պատկանում է այս նավը, ներառված չէ պատժամիջոցների ցանկում եւ շարունակում է կոմերցիոն ուղերթներ իրականացնել։ Ինչ վերաբերում է բեռին, ապա այն ամբողջությամբ տարանցիկ է եւ նախատեսված է Հայաստանի համար»,- նշում է գործակալությունը։
Երրորդ համաշխարհային պատերազմը սկսվեց. Զալուժնի
Անդրեասյանը գիշերը հաղորդագրություններ է ուղարկել մի շարք դատավորների
Արգիշտի Քյարամյանը՝ ՊՎԾ պետ. Նիկոլ Փաշինյանը որոշում ունի
Կրակոց՝ նաև ՆԳ նախարարի հրաժարականից հետո
Բա ես ու իմ կարգավիճակի մարդիկ ի՞նչ անեն․ Սոֆյա Հովսեփյան
Սա տգիտությունից բացի նաև ստորություն է. Լեւոն Քոչարյանը՝ Փաշինյանի աղմկահարուց հայտարարության մասին
Գեներալ Կարակաևը Պուտինի հետ խորհրդակցությունում. ռուսական «Орешник»-ն ի վիճակի է թիրախներ խոցել ամբ...
Պաշտոնանկության երկրորդ ալիքն էլ է լինելու. հաջորդը ովքե՞ր են SMS ստանալու
Ազգերի լիգա. հայտնի է Հայաստանի հավաքականի մրցակիցների վերջնական ցանկը
Աչքալուսանք վարորդներին. Նոր արագաչափ է տեղադրվել