«Թեհրանն իր շահերն ունի տարածաշրջանում»․ Իրանի դեսպանը մեկնաբանել է Բաքվի՝ «միջանցքի» մասին պահանջը
Իրանի Իսլամական Հանրապետությունն ունի իր հստակ դիրքորոշումները և օրինական շահերը տարածաշրջանում։ Այս մասին Armenia Today-ի հետ զրույցում նշել է Հայաստանում Իրանի դեսպան Աբաս Զոհուրին՝ մեկնաբանելով «Զանգեզուրի միջանցք» ստեղծելու Ադրբեջանի ցանկությունը և, ընդհանրապես, Բաքվի տարածքային հավակնությունները Հայաստանի նկատմամբ։
Հարցին՝ ի՞նչ միջոցներ կարող է ձեռնարկել Իրանը տարածաշրջանում սահմանային փոփոխությունները կանխելու համար՝ դեսպանը պատասխանել է․ «Թույլ տվեք մեկնաբանություններ չանել ենթադրյալ իրավիճակների մասին, որոնք, հուսով ենք, երբեք առաջ չեն գա»։
Մեկնաբանելով Ադրբեջանի հետ սահմանին ԵՄ դիտորդների քաղաքացիական առաքելություն տեղակայելու վերաբերյալ Հայաստանի իշխանությունների որոշումը, դեսպանն ընդգծել է, որ ԻԻՀ պաշտոնյաները բազմիցս արտահայտել են իրենց տեսակետները տարածաշրջանային խնդիրների լուծման եղանակի վերաբերյալ:
«Իրանի դիրքորոշումը հստակ է, այն է՝ տարածաշրջանի երկրների միջև հարցերը պետք է լուծվեն տարածաշրջանի երկրների մասնակցությամբ, մյուս երկրները նույնպես հնարավորություն ունեն աջակցելու տարածաշրջանում խաղաղության ու կայունության պահպանմանը։ Մեր շեշտադրումն այն է, որ հարցերը պետք է լուծվեն տարածաշրջանի երկրների մասնակցությամբ՝ երկխոսության ու բանակցությունների հիման վրա»,-նշել է դեսպանը։
Ամբողջական հարցազրույցը՝ հետևյալ հղմամբ։
Երրորդ համաշխարհային պատերազմը սկսվեց. Զալուժնի
Անդրեասյանը գիշերը հաղորդագրություններ է ուղարկել մի շարք դատավորների
Արգիշտի Քյարամյանը՝ ՊՎԾ պետ. Նիկոլ Փաշինյանը որոշում ունի
Կրակոց՝ նաև ՆԳ նախարարի հրաժարականից հետո
Բա ես ու իմ կարգավիճակի մարդիկ ի՞նչ անեն․ Սոֆյա Հովսեփյան
Սա տգիտությունից բացի նաև ստորություն է. Լեւոն Քոչարյանը՝ Փաշինյանի աղմկահարուց հայտարարության մասին
Գեներալ Կարակաևը Պուտինի հետ խորհրդակցությունում. ռուսական «Орешник»-ն ի վիճակի է թիրախներ խոցել ամբ...
Պաշտոնանկության երկրորդ ալիքն էլ է լինելու. հաջորդը ովքե՞ր են SMS ստանալու
Ազգերի լիգա. հայտնի է Հայաստանի հավաքականի մրցակիցների վերջնական ցանկը
Աչքալուսանք վարորդներին. Նոր արագաչափ է տեղադրվել