ԱՄՆ 5 նախկին նախագահները հանդիպել են մի բեմում (լուսանկարներ, տեսանյութ)

Միացյալ Նահանգների 5 նախկին նախագահները միասին մասնակցել են տեխասյան A&M համալսարանում կայացած բարեգործական համերգին, որն ուղղված էր վերջերս «Հարվի», «Մարիա» և «Իրմա» ավերիչ փոթորիկներից տուժածների օգնությանը:

Ինչպես հայտնում է gazeta.ru-ն, միջոցառմանը ելույթ են ունեցել Ջիմի Քարտերը, Ջորջ Բուշ-ավագը, Բիլ Քլինթոնը, Ջորջ Բուշ-կրտսերն ու Բարաք Օբաման: Մինչդեռ գործող նախագահ Դոնալդ Թրամփը հանդես է եկել տեսաուղերձով:

Աղբյուրը մանրամասնում է, որ «Հարվի», «Մարիա» և «Իրմա» փոթորիկներից տուժածների օգնության One America Appeal հիմնադրամը ստեղծվել է սեպտեմբերին՝ ԱՄՆ 5 նախկին նախագահների նախաձեռնությամբ: Դրա միջոցով արդեն հավաքվել է 31 մլն դոլար:

Նշվում է, որ ԱՄՆ նախկին նախագահները հազվադեպ են միասին հավաքվում. վերջին անգամ նման բան տեղի էր ունեցել 2017թ. հունվարին՝ Թրամփի երդմնակալության ժամանակ: