Ամերիկացի օրենսդիրները ԵՄ-ին կոչ են արել ԻՀՊԿ-ն ահաբեկչական կազմակերպություն ճանաչել
Կոնգրեսի ավելի քան 130 անդամներից բաղկացած երկկուսակցական խումբը համատեղ նամակ է ստորագրել, որը Եվրամիությանը կոչ է անում Իրանի Իսլամական հեղափոխության պահապանների կորպուսը (ԻՀՊԿ) ներառել ահաբեկչական կազմակերպությունների ցուցակում:
ԵՄ արտաքին քաղաքական գերատեսչության ղեկավար Ժոզեպ Բորելին ուղղված նամակում օրենսդիրները հայտարարել են, որ Իրանը «ահաբեկչության առաջատար հովանավոր պետությունն է», եւ որ տասնամյակներ շարունակ ԻՀՊԿ-ն «ազատ եւ բացահայտ դավադրություններ է իրականացրել ԵՄ երկրներում», փոխանցում է «Ամերիկայի ձայնը»։
«Մենք հասկանում ենք իրավական բարդությունները, որոնք կապված են ԻՀՊԿ-ն ահաբեկչական կազմակերպություն ճանաչելու հետ՝ համաձայն ԵՄ թիվ 931 ընդհանուր դիրքորոշման, եւ լիովին գիտակցում ենք, որ այդ որոշումը պետք է կայացվի դատական կամ համարժեք իրավասու մարմնի կողմից»,-հայտարարել են օրենսդիրները:
Նամակի հեղինակները նաեւ հղում են անում Վեսթ Փոինթում ահաբեկչության դեմ պայքարի կենտրոնի հետազոտությանը, որում ասվում է, որ Իրանը «առնվազն 33 դավադրություն է հրահրել Եվրոպայում քաղաքացիներին լրտեսելու, առեւանգելու եւ սպանելու նպատակով» վերջին հինգ տարվա ընթացքում:
Բորելը հայտարարել է, որ ԵՄ-ն չի կարող ԻՀՊԿ-ն ներառել ահաբեկչական կազմակերպությունների ցուցակում, քանի դեռ ԵՄ առնվազն մեկ անդամ պետության դատարանի կողմից համապատասխան որոշում չի կայացվել:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը