Թուրքիայում պատմել են, թե քանի տարով կբավականացնի Սեւ ծովում հայտնաբերված գազը

Թուրքիայի կողմից Սեւ ծովում հայտնաբերված գազը կարող է բավարարել կենցաղային կարիքները 35 տարի շարունակ, հայտարարել է երկրի էներգետիկայի եւ բնական պաշարների նախարար Ֆաթիհ Դոնմեզը, հաղորդում է «ՌԻԱ Նովոստին»։

Թուրքիան 2020 թվականին Սեւ ծովում հայտնաբերել է գազի խոշոր հանքավայր, որի ծավալը գնահատել են 540 միլիարդ խորանարդ մետր։ Այն ժամանակ երկրի նախագահ Ռեջեփ Էրդողանն այն անվանել է ամենախոշորը երկրում։ Նա նաեւ հայտնել է, որ Սեւ ծովում հայտնաբերվել է 58 միլիարդ խորանարդ մետր ծավալով գազի հանքավայր, իսկ սեւծովյան գազի ընդհանուր պաշարները հասել են 710 միլիարդ խորանարդ մետրի եւ միջազգային շուկաներում արժեն 1 տրիլիոն դոլար:

«Մեր պաշարները 710 միլիարդ խորանարդ մետր գազ են։ Դա կարող է 35 տարով բավարարել բոլոր բնակելի շենքերի կարիքները»,-ասել է Դոնմեզը CNN Türk-ին տված հարցազրույցում։

Նրա խոսքով՝ բնակչությունը կարող է սեւծովյան գազը տներում օգտագործել մայիսից։