Բաքվում Հայաստանի ինքնիշխան տարածքի հարյուրավոր կիլոմետրերի օկուպացիան անվանել են «Ադրբեջանի ներքին գործ»
Ադրբեջանի ԱԳՆ-ն այնքան շատ է ստել, որ կորցրել է իրականության հետ կապը։
Մեկնաբանելով կառավարության նիստում Հայաստանի վարչապետ Նիկոլ Փաշինյանի արած հայտարարությունները՝ Ադրբեջանի ԱԳՆ խոսնակ Այխան Հաջիզադեն ասել է հետեւյալը․ «Հայկական կողմը պետք է հրաժարվի Ադրբեջանի նկատմամբ ունեցած տարածքային պահանջներից։ Միջազգային կազմակերպություններին Ադրբեջան հրավիրելու եւ մեր երկրի ներքին գործերին միջամտելու փոխարեն Հայաստանը պետք է կատարի իր պարտավորությունները»։ Հիշեցնենք, որ պաշտոնյան նկատի ունի ԵՄ առաքելությունը, որը գտնվում է Հայաստանում՝ կապված Հայաստանի ինքնիշխան տարածքի դեմ Ադրբեջանի սեպտեմբերյան ագրեսիայի հետ։
Հաջիզադեի խոսքով՝ Հայաստանի ինքնիշխան տարածքը «Ադրբեջանի ներքին գործն է»։ Շարունակելով ոչ ադեկվատ հայտարարությունները՝ Հաջիզադեն պնդում է, որ «վերջին շաբաթներին Հայաստանը սաստկացրել է իր ագրեսիվ հռետորաբանությունը Ադրբեջանի դեմ, սադրանքներ է իրականացրել մեր զինված ուժերի դեմ մարտի 5-ին (Ադրբեջանի դիվերսանտների կողմից Բաքվում Լեռնային Ղարաբաղի ՆԳՆ երեք աշխատակիցների սպանությունը՝ «վերագրված» հայկական կողմին) եւ մարտի 20-ին (ադրբեջանական ուժերի կողմից բարձունքների գրավման փորձ), լրացուցիչ ուժեր է կենտրոնացրել տարածաշրջանում», եւ ընդհանրապես «հրաժարվել Ադրբեջանի նկատմամբ իրենց տարածքային պահանջներից»։
«Պահանջներ» ասելով՝ ԱԳՆ ներկայացուցիչը նկատի ունի Հայաստանի օկուպացված ինքնիշխան տարածքներից ադրբեջանական ուժերի դուրսբերումը եւ միջազգային հանրությանն ուղղված կոչերը՝ թույլ չտալու Լեռնային Ղարաբաղի հայերի ցեղասպանությունը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը