ԱՄՆ-ը Պաղեստինին կոչ է արել ճանաչել Իսրայելը
ԱՄՆ-ը Գազայի հատվածի նկատմամբ Պաղեստինի ազգային վարչակազմի լիակատար վերահսկողության վերականգնման կոչ է անում և պահանջում է, որ այդ վարչակազմի ձևավորած ցանկացած կառավարություն ճանաչի Իսրայելը՝ պարտավորեցնելով զինաթափել բոլոր ռազմական միավորումներին իր տարածքում: Deutsche Welle-ի հաղորդմամբ՝ այս մասին հայտարարել է միջազգային բանակցությունների հարցերով ամերիկացի ներկայացուցիչ Ջեյսոն Գրինբլատը:
Նա մեկնաբանել է տասնամյակների հակամարտությունը հարթելու մասին ՀԱՄԱՍ և ՖԱԹՀ շարժումների պայմանավորվածությունը, որոնք իշխում են համապատասխանաբար Գազայի հատվածում և Հորդանան գետի Արևմտյան ափին:
«Բոլոր կողմերը համաձայն են, որ Պաղեստինի վարչակազմը պետք է հնարավորություն ունենա ստանձնելու լիակատար, իրական և առանց խոչընդոտի պատասխանատվություն քաղաքացիական ոլորտի և Գազայի հատվածում անվտանգության հարցերի համար, և որ մենք միասին աշխատենք այնտեղ ապրող պաղեստինցիների համար հումանիտար իրավիճակի լավացման ուղղությամբ»,- ասվում է փաստաթղթում:
«ԱՄՆ-ը նորից հայտարարում է «քառյակի» սկզբունքներին հավատրամության կարևորության մասին՝ պաղեստինյան ցանկացած կառավարություն պետք է միանշանակ և ուղիղ կերպով հայտարարի բռնությունից հրաժարվելու մասին, ճանաչի Իսրայել պետությունը, նախորդ համաձայնությունները և պարտավորությունները կողմերի միջև, այդ թվում՝ ահաբեկիչների զինաթափման մասին, և հավատարմություն հայտնի խաղաղ բանակցություններին»,- ասել է Գրինբլատը:
Նրա խոսքով՝ ՀԱՄԱՍ-ը պետք է ընդունի այս պահանջները, եթե ուզում է «որևէ դեր խաղալ պաղեստինյան կառավարությունում»:
Մենք միանգամայն արժանիորեն դուրս եկանք հաջորդ փուլ
Երևանը կդառնա ժամանակակից երաժշտության և արվեստի միջազգային կենտրոն
Ուրումչիի մշակութային ուղին. Գրանդ բազար
Գանսուի թռչող ձին. չինական նահանգի հնագույն ժառանգություն
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Գետերի վարարումների ժամանակ առաջացած ավելցուկային ջուրը որոշ դեպքերում անհատույց կտրամադրվի ոռոգման ...
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...
«Claude» արհեստական բանականությունը թեստավորման ժամանակ կոտրել է 3 ընկերության համակարգեր