Իսրայելը կարող է հարված հասցնել Իրանին, եթե Թեհրանը սկսի 60 տոկոսից ավելի հարստացնել ուրանը
Իսրայելը կարող է հարված հասցնել Իրանին, եթե Թեհրանն ուրանը հարստացնի 60 տոկոսից ավելի։ Այս մասին չորեքշաբթի տեղեկացրել է Axios պորտալը՝ հղում կատարելով իսրայելցի բարձրաստիճան պաշտոնյային։
Նշվել է, որ Իսրայելը ԱՄՆ-ին եւ եվրոպական մի քանի երկրների տեղեկացրել է այն մասին, որ Թեհրանի այդօրինակ գործողությունները կարող են Թել Ավիվին դրդել ռազմական ուժ կիրառել։
Ինչպես տեղեկացրել է Axios-ը՝ հղում կատարելով մեկ այլ պաշտոնյայի, Իրանը տեղյակ է Իսրայելի այս դիրքորոշման մասին։
Մարտի 17-ին Իրանի Իսլամական Հանրապետության ԱԳՆ-ի պաշտոնական ներկայացուցիչ Նասեր Քանաանի Չաֆին, իր հերթին, հերքել է Իսրայելի եւ Գերմանիայի մեղադրանքները, թե երկիրը փորձում է միջուկային զենք ստեղծել։