Քանաանին հայտարարել է Բահրեյնի հետ Իրանի հարաբերությունների բարելավման հնարավորության մասին
Իրանի եւ Սաուդյան Արաբիայի միջեւ դիվանագիտական հարաբերությունների վերականգնումը կարող է դրական ազդեցություն ունենալ տարածաշրջանի այլ երկրների, այդ թվում Բահրեյնի հետ հանրապետության հարաբերությունների վրա։ Այս մասին հայտարարել է Իրանի ԱԳՆ-ի պաշտոնական ներկայացուցիչ Նասեր Քանաանին, տեղեկացրել է Fars-ը։
«Բարեբախտաբար, հաշվի առնելով այն դրական մթնոլորտը, որը մենք տեսնում ենք տարածաշրջանում, այդ դրական փոփոխությունները կարող են վերաբերել նաեւ տարածաշրջանի այլ երկրներին, այդ թվում Բահրեյնին»,- ասել է Քանաանին։
Թեհրանի եւ Էր Ռիադի միջեւ դիվանագիտական հարաբերություններն ընդհատվել էին 2016թ., հայտնի շիա աստվածաբան Նիմր ան-Նիմրի մահապատժի դեմ Իրանում սաուդյան դիվանագիտական ներկայացուցչությունում ցույցերի մասնակիցների վրա հարձակումից հետո։