Հայաստանից քանի՞ փրկարար է ուղարկվել Թուրքիա եւ Սիրիա

Հայաստանը Թուրքիա ուղարկել է 27, իսկ Սիրիա 29 փրկարար։ Տեղեկությունը NEWS.am-ի հետ զրույցում հայտնեցին Ներքին գործերի նախարարության լրատվական ծառայությունից՝ այլ մանրամասներ չհաղորդելով։

Հիշեցնենք՝ ԱԳՆ խոսնակ Վահան Հունանյանը նախօրեին հայտնել էր, որ Հայաստանը փրկարարական ջոկատներ է ուղարկում Սիրիա եւ Թուրքիա՝ աջակցելու ավերիչ երկրաշարժի հետեւանքով տուժած շրջաններում իրականացվող որոնողափրկարարական աշխատանքներին:

Թուրքիայի խորհրդարանի հայազգի պատգամավոր Կարո Փայլանը ժամեր անց հայտնել էր, որ Հայաստանի ուղարկած փրկարարական ջոկատն ու օգնությունը արդեն վայրէջք է կատարել Թուրքիայում։

Հիշեցնենք, որ փետրվարի 6–ին` ժամը 05.17–ին, Թուրքիայի Ղահրամանմարաշ գավառում երկրաշարժ է տեղի ունեցել, որն ավերածությունների է հանգեցրել մի շարք քաղաքներում։ Երեւանի ժամանակով 14։24-ին եւ 14։36-ին եւս 2 ուժգին երկրաշարժ է գրանցվել։ Էպիկենտրոնային գոտում ստորգետնյա ցնցման ուժգնությունը կազմել է 10-11 բալ: Երկրաշարժից 10 նահանգ է տուժել, որոնց ընդհանուր բնակչությունը մոտ 13 միլիոն է կազմում:

Վերջին տվյալով, Թուրքիայում տեղի ունեցած ավերիչ երկրաշարժի հետեւանքով Թուրքիայում եւ Սիրիայում զոհերի թիվը հասել է 6234–ի, վիրավորներինը՝ 37 011–ի։

Այս թեմայով Սեբաստիայում 4.4 մագնիտուդում երկրաշարժ է գրանցվել Երկրաշարժի դեպքում 90 հազար շինություն վտանգի տակ է Ստամբուլում Թուրքիայի Քահրամանմարաշ նահանգում երկրաշարժ է տեղի ունեցել Թուրքիայի Քահրամանմարաշ նահանգում կրկին երկրաշարժ է գրանցվել Թուրքիայի տնտեսությունը 34 մլրդ դոլարի վնաս է կրել երկրաշարժից, 1,25 միլիոն մարդ անօթևան է