Հոլիվուդյան պրոդյուսեր Հարվի Վայնշտեյնի դեմ քրեական գործ է հարուցվել նաև Լոնդոնում

Լոնդոնի ոստիկանությունը հայտարարել է, որ հոլիվուդյան պրոդյուսեր Հարվի Վայնշտեյնի դեմ հոկտեմբերի 11-ին բացված քրեական գործի շրջանակներում նրան 4 մեղադրանք է ներկայացվել:

Ինչպես հաղորդում է Lenta.ru-ն, Վայնշտեյնի դեմ հերթական բողոքն ստացվել է հոկտեմբերի 14-ին: Բրիտանուհին, ում անունը դեռևս չի բացահայտվում, Վայնշտեյնին մեղադրել է 3 բռնաբարության մեջ: Նրա խոսքով՝ կինոպրոդյուսերը իր վրա հարձակվել է Վեսթմինստերում 2010, 2011 և 2015 թվականներին:

Հիշեցնենք, որ Miramax և The Weinstein Co. ընկերությունների նախկին ղեկավարի դեմ գործ է հարուցվել նաև Նյու Յորքում, որտեղ ոստիկանությունը որոշել է վերանայել 2004 թվականին նրա դեմ բացված գործը: