Ադրբեջանում համառորեն շարունակում են շրջանառել Հայաստանի ողջ տարածքի զավթման գաղափարը
Ադրբեջանում դանդաղ, բայց չափազանց մեծ համառությամբ շարունակում են պտտել Հայաստանի ամբողջ տարածքի զավթման գաղափարը։ Դա արվում է անձամբ երկրի նախագահ Իլհամ Ալիեւի մատուցմամբ, որը բազմիցս հնչեցրել է Հայաստանի, ընդհուպ մինչեւ մայրաքաղաք Երեւանի հանդեպ տարածքային նկրտումներ։
Գաղափարը շրջանառվում է «Արեւմտյան Ադրբեջանի համայնք» անվանմամբ ֆեյք կազմակերպության գործունեության ընդլայնման միջոցով։ Հիշեցնենք, որ «արեւմտյան Ադրբեջան» ասելով Ադրբեջանում հասկանում են Հայաստանի ամբողջ տարածքը։
Ֆեյք համայնքը պարբերաբար հանդես է գալիս հայտարարություններով, իսկ երեկ «տեղի են ունեցել լսումներ մտավորականության (որը ներկայացված է համայնքի ղեկավար կազմում) եւ գիտնականների խմբի ու մասնագետների հետ՝ «Վերադարձի հայեցակարգ» նախագծի վերաբերյալ առաջարկությունների մասին։ Ինչպես երեւում է անվանումից, ֆեյք համայնքը մշակում է Հայաստան «վերադարձի հայեցակարգը»։
«Միջոցառման ժամանակ համայնքի նախագահ, պատգամավոր Ազիզ Ալեքբերլին նշել է, որ ադրբեջանցիներն ունեն Արեւմտյան Ադրբեջան ՝ իրենց նախնիների հողերը վերադառնալու իրավունք, եւ նման հարցերին հատուկ ուշադրություն է դարձվում հայեցակարգի նախագծում՝ այն իմաստով, որ այդ գործընթացը միջազգային կոնվենցիաներում վերադարձի իրավունք ունի, եւ տեղի է ունենալու խաղաղ ճանապարհով։ Համայնքի կանանց խորհրդի ղեկավար, պատգամավոր Մալահաթ Իբրահիմկըզին, պատգամավոր Էհթիբար Ալիեւը, համայնքի Հսկիչ-ստուգիչ հանձնաժողովի ղեկավար Վահիդ Նովրուզովը, ոչ կառավարական կազմակերպությունների ազգային ֆորումի նախագահ Ռաուֆ Զեյնին, պրոֆեսոր Իբրահիմ Բայրամովը, գիտնական-պատմաբան Նազիմ Մուսթաֆան, գիտնական-հետազոտող Նազիր Ահմեդլին, պրոֆեսոր Գալեյ Ալլահվերդիեւը եւ այլք ներկայացրին իրենց առաջարկները «Վերադարձի հայեցակարգի» մասին։ Միջոցառման ընթացքում դիտարկվել են նաեւ լայն հասարակությունից ստացված առաջարկները»,- ադրբեջանական ԶԼՄ-ները մեջբերել են ֆեյք համայնքի հաղորդագրությունը։
Նկատի ունենալով այն, որ Ադրբեջանը երկար տարիներ ապատեղեկատվություն է տարածել՝ ուռճացնելով փախստականների թիվը եւ հայտարարելով «միլիոն փախստականների մասին», իսկ հետո հասել է անգամ «մեկուկես միլիոնի», գաղափարն այնքան էլ հիմար ու անվնաս չի երեւում, ինչպես թվում է առաջին հայացքից։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները