Արցախի իշխանությունը կոշտ արձագանքեց Փաշինյանի ասուլիսի՝ Արցախին վերաբերող հայտարարություններին․ Տիգրան Աբրահամյան
ԱԺ «Պատիվ ունեմ» խբակցության պատգամավոր, անվտանգային հացերով փորձագետ Տիգրան Աբրահամյանը գրում է.
«Արցախի իշխանությունն ինչպես և կանխատեսվում էր կոշտ արձագանքեց Նիկոլ Փաշինյանի վերջին ասուլիսի՝ Արցախին վերաբերող հայտարարություններին։
Ամենակարևորը՝ արձանագրվեց, որ ՀՀ և Արցախի իշխանության դիրքորոշումը Արցախի հարցում էականորեն տարբերվում է և դրանք փոխադարձ ընդունելի կամ ներդաշնակ չի, ինչպես պնդում էր Փաշինյանը։
Արցախի մոտեցումները չէին էլ կարող ներդաշնակ լինել Հայաստանից հնչող պաշտոնական տեսակետին, որովհետև դա փաստացի քաղաքական ինքնասպանություն կլիներ։
Համաձայն լինել սեփական ճակատագիրը Ադրբեջանին հանձնելո՞ւն, թե՞ ֆիզիկական ոչնչացմանը։
Երկրորդ, Արցախի պետնախարարի շուրթերով նաև փոխանցվեց, որ նույնիսկ Հայաստանի իշխանության այս պահի դիրքորոշման և հնարավորությունների շրջանակներում էլ Արցախին համարժեք սատարում չի ապահովվում։
Երրորդ, Արցախն ի տարբերություն ՀՀ իշխանության, փաստում է, որ Արցախում ստեղծված ծայրահեղ իրադրությունը ոչ թե հումանիտար, այլ քաղաքական ճգնաժամ է, իսկ դրա սոցիալ-տնտեսական դրսևորումները զուտ հետևանք է։
Չորրորդ, Արցախից նրբանկատորեն ուղերձ հղվեց ՀՀ այն բոլոր ուժերին, ովքեր այս տարիներին և հատկապես հիմա պաշտպանում ու սատարում են Արցախի պայքարի հիմքում ընկած սկզբունքները։
Սա ևս հնչեցվեց Պետնախարարի շուրթերով այն համատեքստում, որ ՀՀ իշխանությունների, մեղմ ասած, ոչ ճիշտ դիրքավորման պայմաններում, պետք է աշխատանք տարվի ՀՀ և Սփյուռքի բոլոր այն ուժերի հետ, որոնք պատրաստ են իրենց պոտենցյալի, ռեսուրսի, հնարավորությունների սահմաններում պաշտպանել ու սատար կանգնել Արցախին»։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Աշխարհի ամենահարուստ ակումբների տասնյակը
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում