Իրանի դատարանը Բելգիայի քաղաքացուն մեղավոր է ճանաչել ԱՄՆ կառավարության օգտին լրտեսության մեջ
Իրանի դատական մարմինները Բելգիայի քաղաքացուն մեղավոր են ճանաչել ԱՄՆ կառավարության օգտին լրտեսության մեջ, հաղորդում է Tasnim-ը՝ վկայակոչելով իր աղբյուրը։
Ըստ աղբյուրի տվյալների՝ Բելգիայի քաղաքացին մեղավոր է ճանաչվել այնպիսի հանցագործությունների մեջ, ինչպիսիք են «լրտեսությունն ԱՄՆ թշնամական կառավարության օգտին եւ փողերի լվացումը»։
Աղբյուրը նշել է, որ Իրանի հետախուզության նախարարության ուժերը ձերբակալել են Բելգիայի քաղաքացուն, որն Իրան է ժամանել ԱՄՆ կառավարության օգտին լրտեսության եւ անվտանգության դեմ պայքարի ոլորտում գործող խմբերի միջեւ գումար բաշխելու նպատակով բարեգործական գործունեություն իրականացնող անձի անվան տակ:
Հետաքննության եւ մի շարք դատական նիստերի ավարտից հետո Բելգիայի քաղաքացին մեղավոր է ճանաչվել առնվազն չորս մեղադրանքների եւ հանցավոր արարքների համար, եւ նրա գործով որոշում է կայացվել, հավելել է աղբյուրը: