Թեհրանն ԱՄՆ-ի պաշտպանական նոր բյուջեն հակաիրանական է անվանել
ԱՄՆ պաշտպանական բյուջեն հակաիրանական է եւ արտացոլում է Թեհրանի նկատմամբ Վաշինգտոնի թշնամական մտադրությունները։ Այս մասին հայտարարել է Իրանի ԱԳՆ պաշտոնական ներկայացուցիչ Նասեր Կանաանին, փոխանցում է IRNA-ն։
«Այս օրենքի հակաիրանական բովանդակությունը արտացոլում է, որ ԱՄՆ-ն չի փոխում Իրանի Իսլամական Հանրապետության նկատմամբ իր թշնամական, սադրիչ եւ զավթողական համոզմունքներն եւ քաղաքականությունը», - ասվում է հայտարարության մեջ:
Կանաանին ընդգծել է, որ Իրանի եւ այլ երկրների միջեւ երկկողմ համագործակցությունը տարբեր ոլորտներում, այդ թվում՝ պաշտպանական ոլորտում, համապատասխանում է միջազգային օրենքներին եւ ուղղված չէ որեւէ երրորդ երկրի դեմ, մինչդեռ «ԱՄՆ-ն սպառնում է տարածաշրջանային խաղաղությանը եւ կայունությանը` ստեղծելով բազմաթիվ ռազմական բազաներ տարածաշրջանում»: