Ասկերանում առաջին անհրաժեշտության պարագաները, շաքարավազը, եւ կարտոֆիլը գրեթե սպառված են․ վարչական ղեկավար
Արցախի Հանրապետության Ասկերան շրջանում Ստեփանակերտ-Գորիս մայրուղու փակվելու հետեւանքով առաջին անհրաժեշտության պարագաները, շաքարավազը, եւ կարտոֆիլը գրեթե սպառված են։ Այս մասին NEWS.am-ի հետ զրույցում ասաց Ասկերանի շրջանի վարչական ղեկավար Համլետ Ապրեսյանը։ «Կախված է այն բանից, թե բնակիչները որքան ունեն պահեստավորած մթերքներ եւ ինչ ռեժիմով օգտագործում, մի քանի օրվա ընթացքում կսպառվեն այդ ապրանքները։ Ամեն դեպքում եթե մի փոքր էլ մնանք շրջափակման մեջ, պետք է խստացնենք մեր ռեժիմը, որ հնարավորինս երկար դիմանանք։ Ծխախոտ դեռ կա, բայց պակասը զգացվում է։ Ներմուծված միրգը եւ բանջարեղենը սպառվել են, չնչին քանակությամբ մնացել է տեղականը»,- նշեց նա։
Ապրեսյանի խոսքով՝ շրջանում ալյուրի եւ ցորենի խնդիր չկա, պաշարները շատ են, կանոնակարգված տրամադրվում են հացի արտադրամասերին։
«Երթուղայինները գրաֆիկի որոշ փոփոխությամբ աշխատում են, աշխատում են այն տաքսիները, որոնք գազից են օգտվում։ Շտապօգնության մեքենաներն օգտագործում են եւ բենզին, եւ գազ, բայց ավելի շատ գազ։ Բենզինի պաշարները եւս սպառման եզրին են, խնայողաբար ենք օգտագործում»,- ասաց Համլետ Ապրեսյանը։
Նա հայտնեց, որ յուրաքանչյուր բնակչի տրամադրվում է միայն 1 կգ ապրանք։ Սահմանափակում չի գործում միայն հացի դեպքում։
«Քաղաքացիներն ըմբռնումով են մոտենում, հասկանում են՝ ինչ վիճակում ենք, իրենք էլ ավելին չեն պահանջում։ Հիմնականում ապրանքների պակասը զգացվում է քաղաքում, գյուղում վիճակն ավելի բարվոք է, որովհետեւ պահեսատավորած ապրանքներ ունեն, եւ ընտանի կենդանիներ, որոնցից եւ կարողանում են կաթնամթերք ստանալ եւ անհրաժեշտության դեպքում մորթել»,- ընդգծեց Ապրեսյանը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները