Բորելն Իրանին կոչ է արել անհապաղ «դադարեցնել ռազմական աջակցությունը Ռուսաստանին»
ԵՄ դիվանագիտության ղեկավար Ժոզեպ Բորելը կոչ է արել Իրանին անհապաղ «դադարեցնել ռազմական աջակցությունը Ռուսաստանին եւ ներքին բռնաճնշումները" Իսլամական Հանրապետությունում»։
Նրա խոսքով՝ երեքշաբթի Հորդանանում նախատեսված է իր հանդիպումը Իրանի ԱԳ նախարար Հոսեյն Ամիր Աբդոլլահիանի հետ։ Նա նշել է, որ հանդիպումն անհրաժեշտություն է՝ «Իրանի եւ ԵՄ-ի միջեւ հարաբերությունների վատթարացման ֆոնին»։
Չնայած ներկայումս բանակցությունների վերսկսման նշաններ չկան՝ Բորելը հայտարարել է, որ ԵՄ-ն կշարունակի աշխատել Իրանի հետ՝ վերականգնելու 2015 թվականի միջուկային գործարքը:
«Մենք պետք է պահպանենք բաց հաղորդակցությունը եւ վերականգնենք ԳՀՀԾ-ն Վիեննայի բանակցությունների հիման վրա»,-գրել է Բորելը Twitter-ում՝ նկատի ունենալով բանակցությունները, որոնք փակուղի նե մտել սեպտեմբերից։