Ընդդիմությունն անհանգստացած եւ վրդովված է լրագրողների հասցեին հնչող սպառնալիքներից
«Հայաստան» ընդդիմադիր խմբակցությունն անհանգստացած եւ վրդովված է այն սպառնալիքներից, որոնք հնչել են լրագրողների հասցեին։ Այս մասին Ազգային ժողովում նոյեմբերի 17-ի ավանդական ճեպազրույցների ժամանակ ասել է «Հայաստան» ընդդիմադիր խմբակցության պատգամավոր Գեղամ Մանուկյանը։
Մասնավորապես, նա նշել է, որ խոսքը խորհրդարանում ԶԼՄ-ների ներկայացուցիչների աշխատանքի մասին է։ «Վերջին շրջանում մենք դառնում ենք ԶԼՄ-ների ներկայացուցիչների հանդեպ կառավարող կուսակցության ներկայացուցիչների անհարգալից վերաբերմունքի հաճախակիացած դեպքերի վկաները։ Վերջերս լրագրողներին սպառնացել էին ուղարկել սահման՝ այնպես ներկայացնելով, ասես դա ինչ-որ համակենտրոնացման ճամբար է»,- ասել է Մանուկյանը՝ մեկնաբանելով, ըստ էության, այն սպառնալիքները, որոնք հնչեցրել էր պաշտպանության եւ անվտանգության խորհրդարանական մշտական հանձնաժողովի նախագահ Անդրանիկ Քոչարյանը։
Նա ափսոսանք է հայտնել, որ հասարակական կազմակերպությունները, որոնք միշտ զբաղվել են խոսքի ազատության պաշտպանությամբ Հայաստանում, այսօրվա դրությամբ պասիվ դիրքորոշում են որդեգրել։ Պատգամավորը լրագրողներին կոչ է արել պաշտպանել իրենց իրավունքները, քանի որ հակառակ դեպքում նմանատիպ աշխատանքի մեթոդները կարտահայտվեն ավելի ու ավելի ահավոր ձեւերով։
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Տավուշում ոչ մի գազատար չի կառուցվել, նման գործընթաց չկա. մարզպետ
Իրանում պատերազմը Հնդկաստանին կանգնեցրել է գազային ճգնաժամի առաջ
Հայ-վրացական գազատարը Հայաստանի խնդրանքով կտեղափոխվի
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
«Վարդաշեն» քրեակատարողական հիմնարկից դատապարտյալ է փախել