Հյուսիսային Կորեայի պատվիրակությունը Սանկտ Պետերբուրգում վեհաժողովի կմասնակցի

Ռուսաստանի խորհրդարանի վերին պալատի՝ Դաշնության խորհրդի միջազգային հարաբերությունների հանձնաժողովի նախագահ Կոնստանտին Կոսաչևը ՏԱՍՍ լրատվական գործակալությանն ասել է, որ Կորեայի Ժողովրդա-Դեմոկրատական Հանրապետության պատվիրակությունը կմասնակցի Սանկտ Պետերբուրգում հոկտեմբերի 14-18-ը անցկացվելիք Միջխորհրդարանական միության վեհաժողովի 137-րդ նստաշրջանին:

Ակնկալվում է, որ նստաշրջանին կմասնակցեն 153 երկրների պատվիրակներ: Ավելի վաղ Կոսաչևն ասել է, որ վեհաժողովին հրաժարվել են մասնակցել Մյանմայի, Լիբիայի, Քենիայի և Սենեգալի պատվիրակությունները: 21 երկրներ չեն գրանցվել մասնակցելու համար, Ուկրաինայի Գերագույն ռադան հայտնել է, որ չի մասնակցի: «Վրաստանից տեղեկություն չկա», - ասել է Կոսաչևը:

Միջխորհրդարանական միությունը ստեղծվել է 1989 թվականին, կառույցին անդամակցում է 173 պետություն, 11 միջխորհրդարանական միավորումներ վեհաժողովի աշխատանքին մասնակցում են ասոցացված անդամի կարգավիճակով: