Անկարայում ԱՄՆ դեսպանը մեկնաբանել է թուրք-ամերիկյան վիզային ճգնաժամը
Անկարայում ԱՄՆ դեսպան Ջոն Բասը մեկնաբանել է ԱՄՆ-ի կողմից Թուրքիայի քաղաքացիների համար վիզաների անժամկետ չեղարկումը: Ըստ դեսպանի՝ վիզաների տրամադրման սահմանափակումը Թուրքիայի բոլոր քաղաքացիների դեմ չէ, այլ միայն ժամանակավորապես կասեցնում է նոր վիզաների տրամադրման գործընթացը:
Ինչպես հաղորդում է demokrathaber.org կայքը, Բասը շեշտել է, որ դա ամերիկյան կողմի համար հեշտ որոշում չի եղել:
«Սա որոշում է, որը մենք մեծ տխրությամբ ենք կայացրել», - ասել է Թուրքիայում ԱՄՆ դեսպանը:
Բասը նաև նշել է, որ իրենք առայժմ չգիտեն, թե Թուրքիայում տեղի ունեցած միջադեպն իր բնույթով եզակի դեպք է, թե սպասվում են ԱՄՆ դիվանագիտական ներկայացուցչությունների թուրք քաղաքացիների նոր ձերբակալություններ:
Նա շեշտել է, որ Ստամբուլում ԱՄՆ հյուպատոսության որևէ աշխատակցի՝ օրենքից դուրս գործողությունների հետ կապված թուրքական կողմն իրենց հետ որևէ տեղեկություն չի կիսել, ինչը պարտավոր էր անել:
Հիշեցնենք, որ Թուրքիայում ԱՄՆ դեսպանատունը հյուպատոսական աշխատակցի ձերբակալությունից հետո և այնուհետև ԱՄՆ-ում Թուրքիայի դեսպանատունը, ի պատասխան ԱՄՆ-ի քայլերի, հայտարարել են այցագրերի տրամադրումը դադարեցնելու մասին։
Անցած շաբաթ ԱՄՆ դիվանագիտական առաքելության աշխատակիցը ձերբակալվել էր Ստամբուլում՝ անցյալ տարի տապալված հեղաշրջման համար մեղադրվող ընդդիմադիր իսլամիստ քարոզիչ Ֆեթհուլլահ Գյուլենի կազմակերպության հետ կապերի մեղադրանքով:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Ամերիկան պատմության մեջ հսկայական քայլ հետ կատարեց
Մելանշոնը հավանական առաջատար թեկնածուներից մեկն է
Կրկին ակտիվացել են ՆԳՆ անունից զեղծարարության փորձերը
Ծաղկունքում կասեցվել է հացաբուլկեղենի արտադրամասի գործունեությունը
Նեբրայի երկնային սկավառակն այժմ Պատմության թանգարանում է