Ստոլտենբերգ. ՆԱՏՕ-ն Ռուսաստանի հետ չի ցանկանում «նոր սառը պատերազմ» սկսել
ՆԱՏՕ-ն Ռուսաստանի հետ չի ցանկանում «նոր սառը պատերազմ» սկսել՝ չնայած ՌԴ սահմանների ամրապնդման վերաբերյալ դաշինքի անդամների մտահոգություններին: Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը`ելույթ ունենալով Բուխարեստում ՆԱՏՕ-ի ԽՎ-ում, հաղորդում է AP-ն:
«Մենք մտահոգված ենք ռուսական զորավարժությունների ոչ լիարժեք թափանցիկությամբ»,-ասել է նա` հիշեցնելով Ռուսաստանի եւ Բելառուսի համատեղ զորավարժությունները: «Ռուսաստանը մեր հարեւանն է: Մենք չենք ուզում նրան մեկուսացնել, մենք չենք ուզում նոր Սառը պատերազմ»,-ասել է ՆԱՏՕ-ի գլխավոր քարտուղարը:
Ստոլտենբերգը հաղորդել է, որ Դաշինքը Սեւ ծովի օդային պարեկների թիվն ավելացրել է ի պատասխան «Ուկրաինայում Ռուսաստանի ագրեսիվ գործողություններին»:
Նա նշել է, որ ՆԱՏՕ-ն ամրապնդում է իր ներկայությունը Արեւելյան եւ Հարավարեւելյան Եվրոպայում` դաշնակիցներին Ուկրաինայում Ռուսաստանի գործողությունների փաստով անհանգստություն չպատճառելու համար: «Մենք Սառը պատերազմի ավարտից հետո մեր հավաքական պաշտպանության առավելագույն ամրապնդումն ենք իրագործում, այդ թվում, Էստոնիայում, Լատվիայում, Լիտվայում եւ Լեհաստանում չորս գումարտակներ տեղակայելով»,-ասել է նա:
Ռումինիայի Կրայովա քաղաքում բազմազգ բրիգադ կտեղակայվի: ՆԱՏՕ-ի 11 անդամ երկրների զինվորականները կօգնեն տարածաշրջանային համատեղ զորավարժությունները համակարգել:
Հայաստանում ԱՄՆ դեսպանատունը զգուշացնում է
Ֆինն Գերագուսյանը նշեց իր նորամուտը Հայաստանի հավաքականի կազմում
ԵՄ-ն սցենարներ է դիտարկում Օրբանի հավանական հաղթանակի դեպքում
Տիբո Կուրտուայի վնասվածքն ավելի լուրջ է, քան կանխատեսվում էր
ԱՄՆ-ն հարվածել է խոշոր զինամթերքի պահեստի
Արաղչին առաջարկել է տարածաշրջանից հեռացնել ամերիկյան զորքերը
Երևանում Թիկնիզյանի խաղին հետևել է Սպարտակի ներկայացուցիչը
«Վարչաբենդի» համերգը տեղի կունենա ապրիլի 4-ին՝ ժամը 20.00-ին
Մի խաբեք մարդկանց. Արցախը վերադարձնելու հարցում մենք որեւէ դաշնակից չունենք
Այսօրվանից վերսկսվում են Կապան-Երևան-Կապան թռիչքները․ Խուդաթյան