ՌԴ-ն կշարունակի միջնորդական ջանքերը Երեւանի եւ Բաքվի միջեւ խաղաղության պայմանագրի ստորագրման համար. Մատվիենկո
Ռուսաստանը կշարունակի միջնորդական ջանքերը Հայաստանի եւ Ադրբեջանի միջեւ խաղաղության պայմանագրի ստորագրման համար։ Այս մասին ասել է ՌԴ Դաշնության խորհրդի նախագահ Վալենտինա Մատվիենկոն Ադրբեջանի Միլի մեջլիսի (խորհրդարան) նախագահ Սագիբա Գաֆարովայի հետ հանդիպման ժամանակ։
Մատվիենկոն ընդգծել է, որ Ռուսաստանը եւ անձամբ ՌԴ նախագահ Վլադիմիր Պուտինը ջանքեր են գործադրում տարաձայնությունների խաղաղ լուծման համար։ «Մենք կաջակցենք այն որոշմանը, որ կնպաստի տարածաշրջանում խաղաղության հաստատմանը եւ որը պետք է հաշվի առնի երկու կողմերի շահերը։ Ռուսաստանը կշարունակի աջակցություն ցուցաբերել, որպեսզի երկու պետությունները հասնեն խաղաղության պայմանագրի ստորագրմանը»։