Թբիլիսիի գինու գործարանը գինու թանգարանի կվերածեն

Վրաստանում հին գինու գործարանը Վրացական գինու պատմության թանգարանի կվերածեն: Հեղափոխությունից առաջ այս գործարանի մառաններից գինի էին տանում Կայսերական սեղանի համար, իսկ հետո՝ Կրեմլ: Այս մասին հաղորդում է «МИР 24» հեռուստաալիքը:

Վերջին 25 տարիներին պատմական շենքը վատ վիճակում է եղել. ձեռքից ձեռք է անցել, իսկ եզակի հավաքածուն գողացվել եւ ոչնչացել է: 1940-ականների վերջին մառաններում շուրջ 135 հազար շիշ է եղել: Հիմա մնացել է դրա մեկ երրորդը:

«Այստեղ կա Նապոլեոն կոնյակ, 16-րդ դարի հունգարական օղի, Ստալինի ղրիմյան հավաքածուն, ֆրանսիական հավաքածու եւ բոլոր տեսակի գինիները, որոնք շշալցվել են այս գործարանում. ընդհանուր առմամբ՝ 45 հազար շիշ»,- նշել է համալիրի ղեկավար Գեորգի Խելաշվիլին:

Հավաքածուն ապագա թանգարանի ցուցանմուշների մաս կկազմի: Թանգարանին կից նաեւ համտեսելու սրահ կլինի, որտեղ կներկայացվեն ամենահայտնի տեսակի գինիներ:

news.am

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք