ԱՄՆ-ն և Թուրքիան փոխադարձաբար դադարեցրել են վիզաների տրամադրումը
Թուրքիայում ԱՄՆ դեսպանատունը և այնուհետև ԱՄՆ-ում Թուրքիայի դեսպանատունը, ի պատասխան ԱՄՆ-ի քայլերի, հայտարարել են վիզաների տրամադրումը դադարեցնելու մասին Թուրքիայում ԱՄՆ հյուպատոսական աշխատակցի ձերբակալությունից հետո, հայտնում է Reuters գործակալությունը:
ԱՄՆ դիվանագիտական առաքելության աշխատակիցը ձերբակալվել է Ստամբուլում անցած շաբաթ՝ անցած տարի տապալված հեղաշրջման պատասխանատու համարվող ընդդիմադիր իսլամիստ քարոզիչ Ֆեթհուլլահ Գյուլենի կազմակերպության հետ կապերի մեղադրանքով:
Թուրքիայում ԱՄՆ դեսպանատունը հայտարարել է, որ ԱՄՆ կառավարությունը խորը մտահոգություն է հայտնում Ստամբուլում ամերիկյան գլխավոր հյուպատոսության աշխատակից Մեթին Թոփուզի ձերբակալութան առնչությամբ և նրա դեմ մեղադրանքները համարում է անհիմն և հակասող Թուրքիայի հետ գործընկերային հարաբերություններին:
«Վերջին իրադարձությունները ստիպել են Միացյալ Նահանգների կառավարությանը վերագնահատել ԱՄՆ առաքելության և անձնակազմի նկատմամբ Թուրքիայի կառավարության հանձնառությունը: Այդ վերագնահատման ընթացքում մեր դեսպանատուն և հյուպատոսություններ այցելուների թիվը կրճատելու համար մենք դադարեցրել ենք բոլոր ոչ ներգաղթային վիզաների տրամադրումը Թուրքիայում գտնվող ԱՄՆ-ի բոլոր դիվանագիտական հաստատություններում»,- ասված է Թուրքիայում ԱՄՆ դեսպանատան հայտարարությունում:
Այդ հայտարարությանը հաջորդել է Վաշինգտոնում Թուրքիայի դեսպանատան հայտարարությունը, որը գրեթե նույնությամբ կրկնել է նախորդ հայտարարությունը՝ երկրների անունները փոփոխելով:
Anadolu լրատվական գործակալության հաղորդմամբ՝ ԱՄՆ հյուպատոսական աշխատակիցը Թուրքիայի քաղաքացի է եղել, ով ձերբակալվել է չորեքշաբթի՝ լրտեսության և Թուրքիայի սահմանադրական կարգին և իշխանությանը վնաս հասցնելու փորձերի մեղադրանքով:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...