Էրդողանը ցանկություն է հայտնել հանդիպել Ասադի հետ. ԶԼՄ
Թուրքիայի նախագահ Թայիփ Էրդողանը ցանկություն է հայտնել հանդիպել Սիրիայի նախագահ Բաշար ալ-Ասադի հետ, եթե Սիրիայի ղեկավարը մասնակցի Ուզբեկստանում ՇՀԿ-ի գագաթաժողովին, գրում է թուրքական կառավարամետ Hurriyet թերթը: Սակայն Ասադը չի գագաթաժողովին չի ժամանել։
Հաղորդումը հայտնվել է այն բանից հետո, երբ չորս աղբյուրներ Reuters-ին հայտնել էին, որ թուրքական հետախուզության ղեկավարը վերջին շաբաթների ընթացքում մի քանի հանդիպում է ունեցել իր սիրիացի գործընկերոջ հետ Դամասկոսում:
Hurriyet-ի սյունակագիր Աբդուլքադիր Սելվին հայտնել է, որ Էրդողանը Ասադի մասին մեկնաբանություններն արել է երկուշաբթի իշխող ԱԶԿ կուսակցության դռնփակ հանդիպման ժամանակ։
«Ես կցանկանայի, որ Ասադը գար Ուզբեկստան, եւ ես կխոսեի նրա հետ։ Բայց նա չի կարող այնտեղ գալ»,- կուսակցական ժողովի ժամանակ Էրդողանի խոսքերը մեջբերում է Սելվին։ «Նա պատերազմի գնաց ապստամբների հետ՝ իր իշխանությունը պահելու համար։ Նա որոշեց պաշտպանել իր իշխանությունը։ Նա մտածում էր իր վերահսկողության տակ գտնվող տարածքների պաշտպանության մասին։ Բայց նա չկարողացավ մեծ տարածքներ պաշտպանել»,- ասել է Էրդողանը: