Թրամփն Իրանի միջուկային ծրագրի համաձայնագրի վերաբերյալ որոշում է կայացրել

ԱՄՆ նախագահ Դոնալդ Թրամփն Իրանի միջուկային ծրագրի համաձայնագրի վերաբերյալ որոշում է կայացրել եւ այն կհայտարարի առաջիկայում: Այս մասին հայտարարել է Սպիտակ տան մամուլի քարտուղար Սառա Սանդերսը:

Նա նշել է, որ նախագահի թիմը միասնական ռազմավարություն է ներկայացրել, որին աջակցություն են հայտնել ազգային անվտանգության ներկայացուցիչները:

Ավելի վաղ Washington Post-ը հաղորդել էր, որ Թրամփը մտադիր է հայտարարել, որ Իրանի միջուկային ծրագրի վերաբերյալ համաձայնագիրը կվիճարկի: Washington Post-ի տվյալներով՝ հաջորդ շաբաթ Թրամփը համաձայնագրի վերաբերյալ իր դիրքորոշումը կհայտարարի: Նա կհայտարարի, որ այն չի համապատասխանում ԱՄՆ ազգային շահերին եւ այդ հարցը Կոնգրես կուղարկի:

The Post-ը, վկայակոչելով Սպիտակ տան ռազմավարությանը ծանոթ մարդկանց, նշել է, որ նախագահի որոշումը կլինի առաջին քայլն այն գործընթացում, որը կարող է Իրանի միջուկային ծրագրի վերաբերյալ համաձայնագրի չեղարկմանը հանգեցնել:

NEWS.am

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում