Bayraktar-ների արտադրողը նախատեսում է կրկնապատկել իր արտադրական հզորությունը

Թուրքական պաշտպանական ԱԹՍ-ների արտադրության Baykar ընկերությունը նախատեսում է ավելի քան կրկնապատկել իր արտադրական հզորությունը։

Ընկերությունը հաջորդ տարի ավելի շատ ԱԹՍ-ներ կարտադրի, քան բոլոր նախորդ տարիներին, այդ թվում՝ իր բրենդային TB2 անօդաչուներից 500-ը, հինգշաբթի «Անադոլու» պետական ​​լրատվական գործակալությանն ասել է ընկերության գլխավոր գործադիր տնօրեն Հալուք Բայրաքթարը։

«Թուրքիան ձգտում է ընդլայնել իր զենքի արդյունաբերությունն Իսրայելին՝ որպես տարածաշրջանում զենքի ամենամեծ առեւտրով զբաղվողի մարտահրավեր նետելու համար: ԱԹՍ-ների արտադրությունը ժամանակին միջերկրածովյան հարեւան Թուրքիայի եւ ԱՄՆ-ի պաշտպանական կապալառուների գործն էր: Baykar ԱԹՍ-ները պոպուլյարություն եւ համբավ ձեռք բերեցին համաշխարհային շուկաներում՝ Ուկրաինայում, Սիրիայում եւ Ադրբեջանում այնպիսի երկրների հակամարտություններին հաջող մասնակցության շնորհիվ:

Հիմնադրումից ի վեր Baykar-ն ավելի քան 400 Bayraktar TB2 եւ 20 Bayraktar Akinci անօդաչու թռչող սարք է արտադրել: Ընկերությունը տարեկան կարող է 200 Bayraktar TB2 անօդաչու թռչող սարք արտադրել, սակայն հաջորդ տարի այն կավելացնի արտադրությունը մինչեւ 500 TB2 եւ 40 Akinci ԱԹՍ, ասել է Բայրաքթարը հյուսիսարեելյան Սամսուն քաղաքում տեխնոլոգիական միջոցառման ժամանակ:

Ներկայումս ընկերությունն ԱԹՍ-ներ է արտահանում ավելի քան 24 երկիր: Նրա խոսքով՝ արտասահմանում վաճառքը կազմում է իր եկամտի 98 տոկոսը»,- հայտնում է Ahval-ը։