Սերդար Քըլըչը Հայաստանի հետ սահմանամերձ Կարս է այցելել
Հայաստանի հետ հարաբերությունների կարգավորման բանակցություններում Թուրքիայի ներկայացուցիչ Սերդար Քըլըչն իր թիմի հետ նախօրեին Հայաստանի հետ սահմակից Կարս է այցելել, հայտնում է «Gazetekars»-ը։ Քըլըչն այցելել է Անիի ավերակներ, Կարսին հարակից Բողաթեֆե գյուղում գործող Պանրի թանգարան, Կարսում գտնվող Պատերազմի պատմության թանգարան, եղել նաեւ Հայաստանի հետ սահմանի՝ Ակյակա գյուղի՝ այս պահին չգործող անցակետ, որից քիչ հեռավորության վրա Շիրակի մարզի Ախուրիկ գյուղն ու հայկական կողմի անցակետն են։ Հաղորդվում է, որ Քըլըչը որոշ հանդիպումներ է անցկացրել։
Օրեր առաջ նույն լրատվամիջոցը հաղորդել էր, որ Հայաստանի հետ սահմանակից հատվածում իսրայելական ընկերության կողմից ականազերծման աշխատանքներ են կատարվում, ինչը պաշտոնապես չի հաստատվել։
Հիշեցնենք, որ հուլիսի 1-ին Հայաստանի եւ Թուրքիայի հատուկ ներկայացուցիչների հանդիպումից հետո պայմանավորվածություն է ձեռք բերվել ամենասեղմ ժամկետներում երրորդ երկրների քաղաքացիների համար բացել Հայաստան-Թուրքիա ցամաքային սահմանն ու օդային ուղիղ բեռնափոխադրումներ սկսել։ Օրեր անց հեռախոսազրույց ունեցան Հայաստանի վարչապետ Նիկոլ Փաշինյանն ու Թուրքիայի նախագահ Ռեջեփ Թայիփ Էրդողանը եւ հույս հայտնեցին, որ ձեռք բերված պայմանավորվածությունները շուտով կիրականացվեն։ Վարչապետ Նիկոլ Փաշինյանը հայտարարեց նաեւ, որ երկու երկրների պետական գերատեսչությունները պետք է աշխատանքներ սկսեն ձեռք բերված պայմանավորվածությունների տեխնիկական մանրամասները համաձայնեցնելու նպատակով։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը